Nepal's No.1 Filmy Web Magazine

अभिनेत्री प्रियंका कार्की र अभिनेता आयुष्मान देशराज जोशी एकअर्काको प्रेममा रमाउन थालेको तीन वर्ष हुनलाग्यो । उनीहरु प्रेम सम्बन्धलाई विवाहमा परिणत गर्न लागिपरेको पनि एक वर्ष बढी भैसक्यो । तर, दुई पटक इन्गेजमेन्ट भैसक्दा पनि विवाहको मिति जुर्न सकेको छैन । यो जोडी यस वर्षको असार नकटाउने तरखरमा थिए । तर, विभिन्न कारणले सम्भव हुन सकेन ।

आउँदो माघ २४ गतेबाट देशव्यापी प्रदर्शनमा आउन लागेको अभिनेता विपिन कार्की स्टारर फिल्म ‘सेल्फी किङ’ को पहिलो गीत सार्वजनिक भएको छ । ‘जाली रुमाल’ बोलको लोक फ्लेवरको गीतमा अभिनेत्री केकी अधिकारी र चर्चित डान्स ग्रुप भिमफेदी गाइजको नृत्य छ । बि पाण्डेको शब्द र सुवास भुषालको संगीत रहेको गीतमा अञ्जु पन्त र पुरुषोत्तम प्रधानको स्वर छ ।

समीक्षात्मक रुपमा सफल फिल्म ‘मारुनी’ पछि अहिलेका चल्तीका अभिनेतामध्ये एक पुष्प खड्काले नयाँ फिल्म साइन गरेका थिएनन् । हालै यो फिल्मको जापान प्रदर्शन सकेर नेपाल फर्किएका उनले शुक्रबार ‘चालबाज’ नामक नयाँ फिल्म साइन गरेका छन् । अविनाश प्रधानले आफ्नो घरायसी कामका कारण फिल्म गर्न नसक्ने भएपछि उनको ठाउँमा पुष्पको प्रवेश भएको हो । 

विवाहका लागि उपयुक्त मानिने मंसिर महिनामा धेरै सम्बन्धहरु जोडिन्छन् । तर, यो वर्षका लागि मंसिर महिनाले बिदा माग्न अब धेरै दिन बाँकी छैन । त्यसैले प्रेम सम्बन्धमा रहेका जोडीहरु अहिले लगनगाँठो कस्न व्यस्त छन् । अभिनेत्री ऋचा शर्माले पनि दुई वर्ष लामो सम्बन्धलाई मंसिरमै विवाहमै परिणत गर्ने निर्णय लिइन् । शनिबार उनले प्रेमी दिपेक्ष विक्रम राणासँग विवाह गरिन् । 

गएको शनिबार बैबाहिक जीवनमा बाँधिएका अभिनेत्री ऋचा शर्मा र उनका श्रीमान दिपेक्ष विक्रम राणाले बिहीबार साँझ राजधानीको ठमेलमा रहेको ‘अलफ्ट होटल’ मा भब्य रिसेप्सन पार्टी दिएका छन् । पार्टीमा फिल्मकर्मीहरुको बाक्लो उपस्थिति रहेको थियो । आगन्तुक पाहुनालाई मिडियासँग कुराकानी गर्न र तस्विर खिचाउनका लागि फूलै फूलबाट आकर्षक सेटअप तयार पारिएको थियो ।