Nepal's No.1 Filmy Web Magazine
दर्शकको नाडी छामेर फिल्म बनाउने निर्देशककोे रुपमा चिनिन्छन्, सुदर्शन थापा । ‘मेरो एउटा साथी छ’ र ‘प्रेमगीत’ यसका उदाहरण हुन् । वर्षमा एक वा दुईभन्दा बढी फिल्म नगर्ने उनले पछिल्लो पटक फिल्म ‘रामकहानी’ निर्देशन गरेका थिए । यसपछि उनले दुई फिल्म ‘सम्हालिन्छ कहिले मन’ र ‘म यस्तो गीत गाउँछु २’ निर्देशन गरे । दुबै फिल्म प्रदर्शनका लागि तयार छन् ।
अभिनेता यशराज गरच फिल्मप्रेमी दर्शकमाझ परिचित अनुहार होइनन् । केही फिल्ममा अभिनय गरे पनि उनी आफूलाई अभिनेताको रुपमा स्थापित गर्न असफल छन् । म्यूजिक भिडियोबाट करिअर सुरु गरेका उनले फिल्म ‘स्वर’ मा सहायक भूमिका निभाएर अभिनयमा डेब्यू गरेका थिए । तर, उनको डेब्यू फिल्म नै बक्सअफिसमा पछारियो । न त उनको अभिनय नै रुचाइयो ।
नेपाली फिल्मका कलाकारद्वय केशव भट्टराई र दीपक क्षेत्रीको एकसाथ राष्ट्रिय सम्मानका साथ सोमबार अन्त्येष्टि गरिएको छ । नेपाल प्रहरीको एक टुकडीले दुबैलाई राष्ट्रिय सम्मान दिएको थियो । चलचित्र विकास बोर्डका अध्यक्ष समेत रहेका भट्टराईलाई १५ वर्षीय छोरा मिस्क भट्टराईले दागबत्ती दिएका थिए । भने, कलाकार क्षेत्रीलाई पनि छोरा रिनेश बस्नेतले दागबत्ति दिएका थिए ।
फूलमान वल निर्देशित फिल्म ‘नीरफूल’ को नयाँ प्रदर्शन मिति घोषणा गरिएको छ । गत भदौ २७ मै प्रदर्शनका लागि तयार रहेको यो फिल्म पोस्ट प्रोडक्सनमा ढिलाइ भएपछि रिलिज डेट पोस्टपोन्ड भएको थियो । अब, फागुन ३० गतेबाट फिल्म देशव्यापी प्रदर्शनमा आउने भएको छ । भूकम्पका कारण विछोडिएका एक परिवारको प्रेमकथा फिल्म आधारित रहेको बताइएको छ ।
प्रेमकथामा आधारित भएर फिल्म ‘शुभ मंगल’ निर्माण हुने भएको छ । अष्ट्रेलिया निवासी मनोज अधिकारीले निर्देशन गर्ने फिल्ममा कुशल थापा, सुरवीना कार्की, विकास चापागाईं, केपी शर्मा, आर्यन शर्मालगायतका कलाकारले अभिनय गर्नेछन् । फिल्ममा कुशल र सुरवीनाको जोडी बाँधिएको छ । सुरवीनाले लामो समयपछि नेपाली फिल्ममा काम गर्न लागेकी हुन् ।
