Nepal's No.1 Filmy Web Magazine

कात्तिक १५ गतेबाट देशैभर एकसाथ प्रदर्शनमा आउन लागेको फिल्म ‘बादशाह जुट’ को रोमान्टिक गीत सार्वजनिक भएको छ । ‘सुसाइड गर्छु कि क्या हो मायामा’ बोलको गीतमा फिल्मका प्रमुख कलाकारहरु सुशील श्रेष्ठ, आमिर गौतम, रोषी खड्का, केइसा रावत फिचरिङ छन् । गीतमा चार कलाकारहरुको प्रेम देखाइएको छ । 

कात्तिक २२ गतेबाट देशव्यापी प्रदर्शनमा आउन लागेको त्रिकोणात्मक प्रेमकथामा आधारित फिल्म ‘लभ यू हमेशा’ को ट्रेलर सार्वजनिक भएको छ । ट्रेलरमा फिल्मका प्रमुख अभिनेता यशराज गरच र अभिनेत्री द्वय फिजा योन्जन र ऋचा थापाबीचको प्रेम, रोमान्स र विछोडलाई देखाइएको छ । फिल्मलाई भास्कर प्रधानले निर्देशन गरेका हुन् । 

कलाकारिताबाट समाजसेवामा मोडिएको सिताराम कट्टेल ‘धुर्मुस’ र कुञ्जना घिमिरे ‘सुन्तली’ को जोडीले निर्माण गरेको फिल्म ‘सेन्टी भाइरस’ को छायांकन पूरा भएको छ । करीब १ महिना लामो छायांकनपश्चात् एक गीत बाँकी राख्दै शुक्रबार फिल्मको सुटिङ प्याकअप गरिएको हो । गीतको छायांकन केही समयपछि हुने फिल्मका कलाकार सितारामले जानकारी दिए । 

दीपकराज गिरी र दीपाश्री निरौलाको समुहले निर्माण गरेको फिल्म ‘छक्का पञ्जा’ ले नेपाली फिल्मको इतिहासमा सर्वाधिक ठूलो व्यापार गरेपछि केही वर्षयता ठूलो संख्यामा कमेडी फिल्म बन्दै आएका छन् । तर, कुनै समय कमेडी फिल्म बनाउन भनेपछि निर्माताहरु नाक खुम्चाउँथे । किनकि, त्यसबेला दर्शक एक्सन र पारिवारिक फिल्म हेर्न बढी रुचाउँथे । ‘छक्का पञ्जा’ पछि भने नेपाली फिल्ममा कमेडी फिल्मकै बोलबाला छ । 

करीब १८ वर्षसम्म नेपाल टेलिभिजनमा प्रशारण भएको चर्चित हास्यटेलिसिरियल ‘हिजो आजका कुरा’ नाममा फिल्म निर्माण हुने भएको छ । यो सिरियलका प्रमुख कलाकार तथा निर्देशक सन्तोष पन्तका छोरा साकार पन्तले फिल्मको निर्देशन गर्नेछन् । शुक्रबार राजधानीमा एक कार्यक्रमका बीच यस फिल्मको औपचारिक निर्माण घोषणा गरियो । तिहारपछि फिल्मको छायांकन सुरु हुनेछ । 

बलिउड अभिनेता आमिर खानलाई लामो समयदेखि पर्दामा हेर्नका लागि दर्शक प्रतिक्षारत छन् । यसअघि उनी फिल्म ‘ठग्स अफ हिन्दुस्तान’ मा अमिताभ बच्चन, फातिमा सना शेख र कटरीना कैफसँग देखिएका थिए । अहिले उनी नयाँ फिल्म ‘लाल सिंह चड्ढा’ मा काम गरिरहेका छन् । यो फिल्म १९९४ को हलिउड फिल्म ‘फरेस्ट गम्प’ को हिन्दी रिमेक हो ।