Nepal's No.1 Filmy Web Magazine
वर्षेनी सयभन्दा बढी नेपाली फिल्म प्रदर्शनमा आउँछन् । तर, मुश्किलले चार/पाँचवटा फिल्मले मात्र लगानी उठाउँछन् । बाँकी फिल्मले भित्तामा टाँस्न बनाइएको पोस्टरको पनि पैसा उठाउँदैनन् । केही वर्षयता नेपालमा ब्रान्ड बनिसकेका फिल्मका सिरिज र टिमका फिल्मलाई मात्र दर्शकले पत्याएका छन् । यस वर्ष नाफा कमाएको फिल्मको सूची हेर्ने हो भने पनि यो स्पष्ट हुन्छ ।
सन् २००७ मा प्रदर्शनमा आएको फिल्म ‘फस्ट लभ’ बाट अभिनय करिअर सुरु गरेकी भर्सटायल अभिनेत्री ऋचा शर्माले शनिबार दुई वर्ष लामो प्रेम सम्बन्धलाई विवाहमा परिणत गरिन् । राजधानीमा रहेको लबिम मलका म्यानेजर दिपेक्क्ष विक्रम राणासँग उनले लगनगाँठो कसेकी हुन् । गएको बैशाखमा ऋचा प्रेममा रहेको खुलेको थियो । तर, उनी लामो समय यसबारेमा बोलिनन् ।
फिल्म ‘कहाँ भेटिएला’ बाट अभिनय करिअर सुरु गरेकी अभिनेत्री श्वेता खड्काले पाँच वर्ष अगाडि प्रदर्शनमा आएको फिल्म ‘कोहिनूर’ रिलिजको पूर्व सन्ध्यामा अभिनेता श्रीकृष्ण श्रेष्ठसँग बैबाहिक जीवनमा बाँधिइन् । तर, विवाह बन्धनमा बाँधिएको एक महिनामा नै दर्शकका प्रिय अभिनेता श्रीकृष्णले संसार त्यागे । श्रीमानको शोकमा अभिनेत्री श्वेता झण्डै डेढ वर्ष आँशुमा डुबिन् ।
कार्तिक आर्यन, भूमि पेडणेकर र अनन्या पान्डे स्टारर तथा निर्देशक मुदस्सर अजीजको फिल्म ‘पति पत्नी और वो’ गएको शुक्रबारबाट प्रदर्शनरत छ । प्रदर्शनको पहिलो दिन जबरजस्त ओपनिङ गरेको फिल्मले पहिलो विकेन्डमा पनि तगडा व्यापार गरेको छ । ट्रेड एनालिस्ट तरण आर्दशका अनुसार, फिल्मले पहिलो विकेन्डमा सानदार तरिकाबाट व्यापारमा उछाल ल्याएको छ ।
गएको असोज अन्तिममा प्रदर्शनमा आएको सुपरहिट फिल्म ‘छ माया छपक्कै’ पछि अभिनेत्री केकी अधिकारीको व्यस्तता निकै बढेको छ । एक दशक लामो फिल्म करिअरमा पहिलो हिट फिल्म दिएकी उनी हालै अमेरिकामा भएको ‘ग्लोबल फिल्म अवार्ड’ र घनिष्ट साथी ऋचा शर्माको विवाहमा सहभागी भएपछि फिल्म ‘झिँगेदाउ’ को छायांकनका लागि भकुेन्डेबेसी पुगेकी छन् ।
अभिनेत्री सुमी मोक्तानले लिड रोलमा ब्रेक पाएको पहिलो फिल्म हो, ‘सरौतो’ । यसअघि केही फिल्ममा सहायक भूमिकामा देखिए पनि उनलाई लिड रोलमा भने कसैले पत्याएका थिएनन् । ‘सरौतो’ मा निर्देशक हरि हुमागाईंले उनलाई एक्सन अवतारमा प्रस्तुत गरे । आफूलाई एक्सनमा ढाल्न उनले डेढ वर्ष मार्सल आर्टस्को तालिम लिइन् । भने, सात महिना सांकेतिक भाषा सिकिन् ।
