Nepal's No.1 Filmy Web Magazine

अभिनेता टाइगर श्राफ र अभिनेत्री श्रद्धा कूपर स्टारर फिल्म ‘बागी ३’ को ट्रेलर सार्वजनिक भएको छ । ६ मार्च अर्थात् नेपाली मिति अनुसार फागुन २३ गतेबाट प्रदर्शन हुने फिल्मको ट्रेलर एक्सन प्याक्ड छ । ट्रेलरमा टाइगर ठूला मेशिन र हेलिकप्टर्सका बीच खतरनाक स्टन्ट्स गर्दै देखिएका छन् । ‘बागी’ सिरिजमा यसपटक दाजु र भाईको भावनात्मक सम्बन्धको कथा बुनिएको छ ।

फिल्म ‘साङ्लो’ को गीतलाई लिएर भएको विवाद अन्ततः सुल्झिएको छ । फिल्ममा समावेश ‘झ्याम्मै आँखा झ्याम्मै...’ बोलको गीतको शब्द चोरिएको भन्दै गएको शुक्रवार निर्देशक सुदीप भुपाल सिंहले प्रहरीमा उजुरी दिएका थिए । यो गीतको शब्द आफूले लेखेको तर जानकारी विनै फिल्ममा राखिएको र रचनाकारमा आफ्नो नाम पनि नराखेको भन्दै उनले उजुरी दिएका थिए । 

हरेक नयाँ फिल्ममा फरक भूमिका र गेटअपमा देखिन चाहने अभिनेता विपिन कार्कीको नयाँ फिल्म ‘सेल्फी किङ’ यही शुक्रवारबाट प्रदर्शनमा आउँदैछ । फिल्ममा उनी टेलिभिजनमा कार्यरत एक प्रसिद्ध हास्यकलाकारको भूमिकामा छन् । उनकै तीन दिनको कथा फिल्ममा उतारिएको छ । फिल्मको प्रचार सामाग्रीमा देखिएको विपिनको भिन्न लुक्सले दर्शकको ध्यान खिचेको छ । 

यही शुक्रबारबाट प्रदर्शनमा आउन लागेको अभिनेता विराज भट्ट स्टारर फिल्म ‘साङ्लो’ को गीत विवाद उत्कर्षमा पुगेको छ । गएको शुक्रवार ‘झ्याम्मै आँखा झ्याम्मै...’ बोलको गीतको शब्द चोरी गरेको भन्दै निर्देशक सुदीप भुपाल सिंहले महानगरीय प्रहरी परिसर, टेकुमा उजुरी दिएपछि सुरु भएको विवाद अझै साम्य हुन सकेको छैन । बरु, अहिले दुबै पक्ष एकअर्कामाथि आरोप–प्रत्यारोप लगाउन लागिपरेका छन् ।