Nepal's No.1 Filmy Web Magazine

नेपालमा घोषणा भएर पनि निर्माण नभएका फिल्मको संख्या ठूलो छ । चाँडै फ्लोरमा जाने भन्दै घोषणा गरिएका फिल्म कहिल्यै नबन्ने गरि थन्किएका उदाहरणहरु अनगिन्ती छन् । त्यसैले, अचेल फिल्मको घोषणा भए पनि फ्लोरमा नगएसम्म दर्शकलाई फिल्म बन्नेमा विश्वास नै लाग्दैन । यो भनेको दर्शकको फिल्ममेकरप्रति विश्वास गुम्नु हो । 

मंसिर १३ गतेबाट प्रदर्शनमा आउन लागेको राम गौतम निर्देशित फिल्म ‘प्रेम संसार’ को लोक शैलीको गीत सार्वजनिक भएको छ । ‘सुन सुन चम्पा’ बोलको सार्वजनक गीतमा ‘बुगी वुगी’ विजेता कविता नेपालीसँगै फिल्मका प्रमुख अभिनेता प्रेम सोनी र अभिनेत्री मोनिका दाहालले ठुम्का लगाएका छन् । गीतमा रामचन्द्र काफ्ले र जुनु रिजालको स्वर छ । 

कमाईको मामलामा दुई बलिउड सुपरस्टार ऋतिक रोशन र टाइगर श्राफको फिल्म ‘वार’ अभिनेता शाहिद कपूर स्टारर फिल्म ‘कबीर सिंह’ भन्दा अगाडि निस्किएको छ । रिलिजको दोस्रो हप्तामा पनि यो फिल्मले बक्सअफिसमा राम्रो व्यापार गरिरहेको छ । फिल्म प्रदर्शनमा आएको १४ दिन भइसकेको छ र घरेलू बक्सअफिसमा यो फिल्मले २ सय ८० करोडको आँकडा पार गरेको छ । 

डेब्यू फिल्म असफल भएर पनि चम्किएकी अभिनेत्री हुन्, सुपुष्पा भट्ट । गत वर्ष उनी अभिनीत डेब्यू फिल्म ‘रणवीर’ प्रदर्शनमा आएको थियो । फिल्म रिलिजपूर्व उनको खासै चर्चा भएको थिएन । बरु, फिल्मकी अर्की अभिनेत्री अभिनेत्री सुवेक्क्षा खड्कामाथि सबैको नजर अडिएको थियो । तर, फिल्म रिलिजपछि नतिजा उल्टो आयो । सुवेक्क्षालाई सुपुष्पाले ओझेलमा पारिन् । उनको अभिनय र सुन्दरताको जताजतै वाहवाही भयो । 

नेपाली फिल्म क्षेत्रमा देखावटी मित्रता खुबै देख्न पाइन्छ । वास्तविकतामा सम्बन्ध ३६ को आँकडामा भए पनि मिडियाको अगाडि घनिष्ट सम्बन्ध प्रस्तुत गर्न नेपाली फिल्मकर्मी खुब माहिर छन् । बुधबार निर्माता द्वय अशोक शर्मा र दीपकराज गिरीको पनि गजबकै दोस्तीयारी देखियो, फिल्म ‘छ माया छपक्कै’ को विशेष शोमा । जय नेपाल हलमा आयोजना गरिएको शोमा निर्माता गिरीको निमन्त्रणामा निर्माता तथा निर्देशक शर्मा फिल्म हेर्न पुगेका थिए ।