Nepal's No.1 Filmy Web Magazine
अभिनेत्री नन्दिता केसीले ग्रामीण क्षेत्रमा कोरोना भाइरसबाट बच्नका लागि सचेतना फैलाउन आवश्यक रहेको बताएकी छन् । यसका लागि शहर-बजार मात्र सचेत भएर नहुने उनले एक भिडियो सन्देशमा भनेकी छन् । शहरी क्षेत्रका मानिसहरुलाई विभिन्न माध्यमबाट कोरोनाबाट बच्ने उपायबारे थाहा भए पनि ग्रामीण क्षेत्रमा यसको जानकारी पुर्याउन जरुरी रहेका उनको भनाई छ ।
राम चरण र जूनियर एनटीआर अभिनीत प्रतिक्षीत फिल्म ‘आरआरआर’ को मोसन पोस्टर सार्वजनिक भएको छ । २०२१ जनवरी ८ तारिखमा प्रदर्शन हुन लागेको फिल्मका निर्माताले बुधवार मोसन पोस्टर र टाइटल लोगो सार्वजनिक गरेका हुन् । मोसन पोस्टर भिन्न प्रकारले तयार गरिएको छ । पोस्टरमा राम चरण र जूनियर एनटीआरलाई आगो र पानीको रुपमा चित्रण गरिएको छ ।
चीनबाट फैलिएको नोबेल कोरोना भाइरस (कोभिड–१९) ले यतिबेला विश्व नै हल्लाएको छ । यो भाइरसबाट विश्वका १६५ देशमा मानिसहरुको मृत्यु भैरहेको छ भने विश्वभरीका मानिसहरुले कोरोनाबाट बाँच्नका लागि विभिन्न उपायहरु अपनाइरहेका छन् । नेपालमा पनि तीन जनामा कोरोना भाइरसको संक्रमण पुष्टि भएपछि सरकारले मंगलबारबाट देशभर ‘लकडाउन’ गरेको छ ।
चीनबाट डरलाग्दो रुपमा फैलिएको कोरोना भाइरसको विरुद्ध यतिबेला विश्व नै लडिरहेको छ । इटालीमा दैनिक सयौंको संख्यामा यसको संक्रमणबाट मृत्यु भैरहेको छ भने नेपालमा पनि अहिलेसम्म तीन जनामा कोरोनाको संक्रमण पुष्टि भैसकेको छ । सरकारले यसबाट बच्न मंगलबारबाट देशभर ‘लकडाउन’ गरेको छ । जसका कारण सम्पूर्ण नेपाली घरबाट बाहिर निस्कन पाएका छैनन् ।
अभिनेता अनमोल केसी स्टारर फिल्म ‘क्याप्टेन’ बाट अभिनेत्रीको रुपमा डेब्यू गरेकी प्रियंका एमभीले गएको दुई हप्ताअघि प्रेमी सफल अधिकारीसँग इन्गेजमेन्ट गरिन् । यस वर्षको भ्यालेनटाइन डेमा इन्स्टाग्राममार्फत प्रेमी चिनाएकी उनको विवाह भने अर्को वर्षको मंसिरमा हुँदैछ । विवाहभन्दा करीब ९ महिना अगाडि टिकाटालो गरेकी उनका हुनेवाला श्रीमान् इन्जिनियर हुन् ।
फिल्म ‘गल्ली ब्वाई’ मा अभिनेता रणवीर सिंह र अभिनेत्री आलिया भट्टको केमेस्ट्री मन पराउने दर्शकका लागि खुसीको खबर आएको छ । भारतीय मिडिया आजतकका अनुसार, ‘गल्ली ब्वाई’ जोडी पुनः एकसाथ पर्दामा देखिँदैछ । पिरियड ड्रामा बनाउन सिपालु मानिने सञ्जय लीला भंसालीको नयाँ फिल्म ‘बैजू बावरा’ मा उनीहरुले फेरि अनस्क्रिन रोमान्स गर्न लागेका हुन् ।
