Nepal's No.1 Filmy Web Magazine
अक्षय कुमारसँग फिल्म ‘सूर्यवंशी’ बनाएपछि अब निर्देशक रोहित शेट्टी आफ्नो हिट फ्रेन्चाइज ‘गोलमाल’ मा काम गर्दैछन् । उनले अभिनेता अजय देवगनसँग मिलेर फिल्म ‘गोलमाल ५’ बनाउने तयारी गरेका छन् । ‘गोलमाल अगेन’ एक हरर कमेडी फिल्म थियो र अब मेकर्सले यसको पाँचौ पार्ट बनाउने फैसला गरेको छ । फिल्मको अर्को वर्ष छायांकन हुनेछ ।
छेतेन गुरुङ र सन्तोष सेनको संयुक्त निर्देशनमा निर्माणाधिन यस वर्षको प्रतिक्षीत फिल्म ‘प्रेमगीत ३’ मा प्रमुख भूमिकामा रहेका अभिनेता शिव श्रेष्ठको क्यारेक्टर पोस्टर सार्वजनिक भएको छ । जसमा उनलाई निकै भिन्न अवतारमा देख्न सकिन्छ । लामो कपाल र जुँगामा देखिएका उनलाई झट्ट चिन्न गाह्रो पार्छ । सिंहासनमा बसेका उनी राजाको भेषमा क्रोद्धित मुद्रामा देखिएका छन् ।
ब्रिटिश काउन्सिलले आफ्नो युवा तथा र्सिजनशिल संलग्नता कार्यक्रम अन्तर्गत चलचित्र विकास बोर्डसँग तीन वर्षका लागि समझदारी पत्रमा हस्ताक्षर गरेको छ । शुक्रबार चलचित्र विकास बोर्डको सभा हलमा भएको एक कार्यक्रमका बीच बोर्ड अध्यक्ष केशव भट्टराई र ब्रिटिश काउन्सिलका नेपाल निर्देशक ब्रेण्डन म्याकसेरीले समझदारी पत्रमा हस्ताक्षर गरे ।
अभिनेतामा अहिलेका हटकेक अनमोल केसी अहिले विदेश भ्रमणमा छन् । आइतबार जापानमा भएको ‘सूर्य इन्टरनेशनल अवार्ड’ मा सहभागी हुनका लागि त्यसतर्फ उडेका उनी मंगलबार पिता भुवन केसीसँग अमेरिका पुगेका छन् । नोभेम्बेर ३० तारिखमा हुन लागेको ‘चौथो ग्लोबल नेपाली फिल्म अवार्ड’ मा सहभागीता जनाउनका लागि उनी जापानबाट सिधै अमेरिका गएका हुन् ।
७७ वर्षका अमिताभ बच्चनले अब फिल्मबाट अवकाश लिने मन बनाएका छन् । हालै बलिउड फिल्म इन्डस्ट्रीमा ५० वर्ष पूरा गरेका उनले आफ्नो ब्लगमा रिटायमेन्टतर्फ संकेत गरेका छन् । उनले लेखेका छन्, ‘अब मैले अवकाश लिनुपर्छ । दिमाग अरु नै केही सोचिरहेको छ भने औंलाले अर्कै सोचिरहेको छ । यो इशारा हो ।’ उनी लामो समयदेखि खराब स्वास्थ्यसँग जुधिरहेका छन् ।
अहिले नेपाली निर्माताले लगानी उठाउन घरेलु बजारको मात्र भर पर्नुपर्ने अवस्था छैन । फिल्म राम्रो बने ओभरसिज राइट्सबाट पनि निकै राम्रो मुल्य हात पार्न सकिन्छ । आजभोली गिनेचुनेका ब्यानर र ठूला स्टारका फिल्म प्रायः निर्माण अगावै विदेशमा बिक्री हुन्छन् । केही फिल्म भने नेपाल प्रदर्शनपछि व्यापार र दर्शक प्रतिक्रियाको आधारमा विदेशमा बिक्री हुने गरेका छन् ।
