Nepal's No.1 Filmy Web Magazine
सन् १९९० मा आएको सुपरहिट फिल्म ‘आशिकी’ बाट अभिनेता राहुल रोय रातारात स्टार बनेका थिए । यो फिल्मको समयमा उनी मात्र २२ वर्षका थिए । ‘आशिकी’ को सफलतापछि उनले ‘प्यार का साया’, ‘बारिश’, ‘जुनून’, ‘गजब तमाशा’, ‘दिलवाले कभी ना हारे’ जस्ता दर्जन बढी फिल्ममा आफ्नो अभिनय कौशल प्रस्तुत गरे । तर, कुनै पनि फिल्मले ‘आशिकी’ जस्तो सफलता हासिल गर्न सकेनन् ।
युवापुस्तामाझ अधिक लोकप्रिय भिडियो शेयरिङ एप, टिकटकको लोकप्रियता विश्वव्यापी स्तरमा पुगिसकेको छ । जुनसुकै पेशामा आवद्ध भएका मानिसहरुमा यसको मोह बढ्दै गएको देख्न सकिन्छ । नेपाली फिल्म क्षेत्रका कलाकारहरु पनि यसबाट अछुतो रहन सकेका छैनन् । पृष्ठभूमिको आवाजमा ओठ चलाएर १५ सेकेण्डसम्मको आफ्नो भिडियो बनाएर टिकटकमा अपलोड गर्ने नेपाली कलाकारहरुको संख्या ठूलो छ ।
अघिल्ला आर्थिक वर्षहरुमा सरकारले प्रस्तुत गर्ने बजेटमा नेपाली फिल्म क्षेत्रलाई खासै सम्बोधन गरिएको थिएन । अघिल्लो आर्थिक वर्षको बजेटमा काठमाडौं उपत्यकाभित्रै अत्याधुनिक इन्डोर फिल्म स्टुडियो निर्माण गरिने विषय समावेश गरिए पनि त्यो अझैसम्म कार्यन्वयन हुन सकेको छैन । बिहीवार अर्थमन्त्री डा. युवराज खतिवडाले प्रस्तुत गरेको आर्थिक बर्ष २०७७–०७८ को बजेटमा भने सातै प्रदेशमा फिल्म छायांकनका लागि स्थल बनाइने उल्लेख छ ।
सरकारले आगामी आर्थिक वर्षको बजेटमा नेपाल चलचित्र कलाकार संघको भवन निर्माणार्थ बजेट विनियोजन गरेको छ।
