Nepal's No.1 Filmy Web Magazine

आउँदो माघ १७ गतेबाट प्रदर्शनमा आउन लागेको देव कुमार श्रेष्ठ निर्देशित फिल्म ‘दि कर्मा’ को आइटम गीत सार्वजनिक भएको छ । ‘बजार लाग्या छ’ बोलको गीतमा कोशिश क्षेत्रीको शब्द तथा संगीत रहेको छ भने मनिषा पोखरेलको स्वर छ । गीतको भिडियोमा अभिनेत्री नीता ढुंगानाको मादक नृत्य देख्न सकिन्छ । उनीसँगै नव-अभिनेता करण वर्माले पनि ठुम्का लगाएका छन् ।

‘पशुपति प्रसाद’ जस्तो व्यवसायिक र समीक्षात्मक रुपमा सफल फिल्मका दिएका दीपेन्द्र के. खनाल निर्देशित फिल्म भएका कारण ‘आमा’ दर्शकमाझ प्रतिक्षीत छ । फिल्म आउँदो फागुन ९ गतेबाट देशव्यापी प्रदर्शनमा आउँदैछ । फिल्मको अधिकांश दृश्य पानीमा खिचिएको हो । तर, असारमा समेत दर्के पानी नपर्दा फिल्मको लामो समय छायांकन हुन सकेको थिएन । 

कलाकारिता हुँदै समाजसेवामा होमिएको हास्यजोडी सिताराम कट्टेल ‘धुर्मुस’ र कुञ्जना घिमिरे ‘सुन्तली’ ले निर्माण गरेको कमेडी फिल्म ‘सेन्टी भाइरस’ को पहिलो गीत सार्वजनिक भएको छ । ‘फनफनी’ बोलको गीत बिहीबार राजधानीमा एक कार्यक्रमका बीच सार्वजनिक गरियो । मेलिना राई र कालीप्रसाद बाँस्कोटाको स्वर रहेको गीतमा शंकर थापा स्माइलले संगीत भरेका छन् । 

आउँदो फागुन ९ गतेबाट प्रदर्शनमा आउन लागेको यस वर्षको प्रतिक्षीत फिल्ममध्ये एक ‘आमा’ को ट्रेलर इन्टरनेट रिलिज भएको छ । बिहीबार राजधानीमा एक कार्यक्रमका बीच पत्रकारलाई साक्षी राखेर निर्माण टिमले ट्रेलर सार्वजनिक गरेको हो । ३ मिने ४८ सेकेण्ड लामो ट्रेलर इमोसनल छ । फिल्ममा आमाको भूमिकामा मिथिला शर्मा र छोरीको भूमिकामा सुरक्षा पन्त छिन् । 

गएको असोजमा प्रदर्शनमा आएको फिल्म ‘छ माया छपक्कै’ पछि नेपाली फिल्मको व्यापार उदेकलाग्दो भएको छ । आशा गरिएका फिल्म समेत बक्सअफिसमा पछारिरहेका छन् । जसले गर्दा फिल्म निर्माण र प्रदर्शन गर्न तम्सिएका निर्माताहरु नराम्रोसँग हच्किएको अवस्था छ । अहिले ब्रान्ड बनिसकेका फिल्मका सिरिज र केही सीमित टिमप्रति मात्र दर्शकको विश्वास छ । यस वर्ष नाफा कमाएका फिल्मले यही देखाउँछ । नयाँ नाममा बनेका फिल्महरु डुबेका डुब्यै छन् ।