Nepal's No.1 Filmy Web Magazine

बलिउडका चर्चित संगीतकार जोडी साजिद-वाजिदमध्ये वाजिद खानको ४२ वर्षको उमेरमा निधन भएको छ । उनी लामो समयदेखि किड्नीको समस्याबाट जुझिरहेका थिए । साथै, उनमा कोरोनाको संक्रमण पनि देखिएको थियो । आइतवार अचानक स्वास्थ्य अवस्था विग्रिएपछि उनलाई भेन्टिलेटरमा राखिएको थियो । तर, उनी बाँच्न सकेनन् । कोरोनाका कारण उनको निधन भएको बताइएको छ ।

फिल्म ‘टाइगर जिन्दा हे’, ‘सुल्तान’ र ‘भारत’ का निर्देशक अली अब्बास जफरले आफ्नो नयाँ फिल्ममा अभिनेत्री कैटरीना कैफलाई अनुबन्धित गरेका छन् । यो एक सुपरहिरोमा आधारित फिल्म हुने बताइएको छ । फिल्ममा कैटरीनाले मुख्य भूमिका निर्वाहा गर्नेछिन् । यो एक फिमेल सेन्ट्रिक एक्सन फिल्म हुनेछ । फिल्मको अहिले प्रि-प्रोडक्सनको काम चलिरहेको छ । 

बरिष्ठ कलाकार जयनन्द चन्द ठकुरीको ९१ वर्षको उमेरमा निधन भएको छ । सयभन्दा बढी फिल्ममा जीवन्त अभिनय गरेका उनको आइतवार बिहान आफ्नै निवास एकान्त कुनामा निधन भएको हो । उनको आइतवार दिउँसो पशुपति आर्यघाटमा अन्त्येष्टि गरिने बताइएको छ । एक छोरी र श्रीमतीसँग बस्दै आएका उनी लामो समयदेखि सुगर, प्रेसर जस्ता रोगबाट पीडित थिए ।

कोरोनाको महामारीले देश थिलथिलो भएको अवस्थामा गएको हप्ता जाजरकोटका दलित युवा नवराज विकको कथित उपल्लो जातकी छोरीसँग प्रेम सम्बन्ध भएको र दुलही लिन जाँदा केटी पक्षले निर्घात कुटपिट गरि भेरी नदीमा फालिदिएको घटनाले सिंगो देश नै स्तब्ध भएको छ । यो घटनालाई लिएर केही दिनयता सामाजिक सञ्जालमा विभिन्न खाले टिकाटिप्पणी र आलोचना भैरहेको छ ।

देश झण्डै २ महिनादेखि लकडाउनमा छ । चीन हुँदै विश्वका कयैन् शक्तिशाली मुलुकलाई समेत आफ्नो पकडमा बनाएको कोरोना भाइरसको संक्रमण फैलिन नदिन सरकारले गरेको लकडाउनका कारण प्रायः सबै नेपाली घरको चारकुनामा नजरबन्द हुन बाध्य छन् । दिन दुई गुणा, रात चौगुणा बढिरहेको कोरोना संक्रमणका कारण अहिले हरेकको मनमा डर पैदा भएको छ ।