Nepal's No.1 Filmy Web Magazine
भारतको कल्ट क्लासिक फिल्म मानिने ‘शोले’का निर्देशक रमेश सिप्पी नेपाल अन्तर्राष्ट्रिय चलचित्र महोत्सव (निफ)मा सहभागी हुन नेपाल आउने भएका छन् । चैत १९ गते निफको उद्घाटन कार्यक्रममा सहभागी हुन उनी काठमाडौं आउने आयोजक संस्था नेपाल फिल्म एन्ड कल्चरल एकेमेडीले जनाएको छ । सिप्पी पहिलो पटक नेपाल आउन लागेका हुन् ।
यस वर्षको ब्लकबस्टर फिल्म ‘आ बाट आमा’ले प्रदर्शनमा महत्त्वपूर्ण उपलब्धि हासिल गरेको छ । फिल्मले आइतबार प्रदर्शनको ५१ औं दिन पूरा गरेको हो । निर्देशक चन्द्र पन्तका अनुसार फिल्मले २० भन्दा बढी हलमा ५१ दिन मनाएको छ । यो अवसरमा आइतबार निर्माण पक्षले काठमाडौंमा एक कार्यक्रमको आयोजना गर्दै कलाकार र प्राविधिकलाई प्रशंसा पत्र प्रदान गर्यो ।
आगामी जेठ ८ गतेबाट प्रदर्शन हुन लागेको फिल्म ‘मितज्यू’को पहिलो गीत ‘गैराघरे काइँली’ सार्वजनिक गरिएको छ । लोकलयमा आधारित यस गीतमा श्रीकृष्ण बम मल्ल र मेलिना राईको स्वर रहेको छ भने शब्द तथा संगीत गायक मल्ल स्वयंका हो । गीतको संगीत संयोजन श्याम श्वेत रसाइलीले गरेका हुन् । युवायुवतीबीचको प्रेम, आकर्षण र समर्पणको भावलाई गीतले प्रस्तुत गरेको छ ।
हालै सम्पन्न प्रतिनिधि सभा निर्वाचनमा सबैभन्दा ठूलो दल बनेको राष्ट्रिय स्वतन्त्र पार्टी (रास्वपा)को समानुपातिक सूचीमा दलित पुरुष क्लस्टरतर्फ दोस्रो नम्बरमा रहेका गायक तथा अभिनेता प्रकाश सपूतको सांसद बन्ने सपना अधुरै रह्यो । संवैधानिक व्यवस्था अनुसार संसदमा ३३ प्रतिशत महिला प्रतिनिधित्व सुनिश्चित गर्नुपर्ने प्रावधानका कारण रास्वपाले उनलाई समेट्न सकेन ।
पर्यटकीय राजधानी पोखरामा अब मनोरञ्जनको क्षेत्रमा नयाँ आकर्षण थपिएको छ । फ्लाइ ओभर इन्टरटेनमेन्टले पोखराको डिज्नील्याण्ड लेकसाइडमा अत्याधुनिक ‘१८ डी सिनेमा’ सञ्चालनमा ल्याएको हो । शुक्रबार अभिनेता राजेश हमालले यसको उद्घाटन गरे । ‘१८ डी सिनेमा’को पहिलो शाखा काठमाडौंको कमलपोखरीस्थित सिटी सेन्टरमा रहेको छ ।
राम नवमीको अवसर पारेर चैत १३ गतेबाट प्रदर्शनमा आउन लागेको फिल्म ‘हामी तीन भाइ’को प्रचार अभियानलाई निर्माण पक्षले तीव्र बनाएको छ । यतिबेला फिल्मका कलाकारहरू प्रचारप्रसारमा सक्रिय देखिएका छन् भने टिजरदेखि ट्रेलरसम्म सार्वजनिक भइसकेका छन् । यसै क्रममा शुक्रबार फिल्मको नयाँ गीत ‘झम्के फुली’ दर्शकमाझ ल्याइएको छ ।
