Nepal's No.1 Filmy Web Magazine
अभिनेता निखिल उप्रेतीको निर्देशकीय कमब्याक फिल्म ‘आचार्य’को एक्सनप्रधान टिजर सार्वजनिक गरिएको छ । ज्योतिषले जुराएको साइतअनुसार मंगलबार दिउँसो ३ः०६ बजे सार्वजनिक टिजरले फिल्मको कथावस्तुबारे संक्षिप्त झलक प्रस्तुत गरेको छ । निखिललाई केन्द्रमा राखिएको टिजरमा अन्यायविरुद्ध लड्ने आचार्य पात्रको कथा समेटिएको छ ।
हास्य विधामा निर्माण भएको फिल्म ‘तिरिमिरी झ्याइँ’को छायांकन सकिएको छ । सोमबार कोशी प्रदेशको बराहक्षेत्रमा अन्तिम दृश्य खिचिएसँगै ३५ दिनमा फिल्मको छायांकन पूरा भएको हो । केही दिनअघि सुनसरीको रामधुनी नगरपालिकाले फिल्ममार्फत स्थानीय कला, संस्कृति र पर्यटन प्रवर्द्धनमा विशेष टेवा पुर्याएको भन्दै निर्माता−निर्देशकलाई सम्मान गरेको थियो ।
२०८१ सालमा प्रदर्शन भएको फिल्म ‘पूर्णबहादुरको सारङ्गी’ले घरेलु बक्स अफिसमा इतिहास रच्यो । ४६ करोडमाथिको व्यापार गर्दै ‘सर्वकालीन ब्लकबस्टर’ बनेको यो फिल्मको सिक्वेल समेत घोषणा भइसकेको छ । फिल्मको ‘सक्सेस पार्टी’मा ‘पूर्णबहादुरको सारङ्गी २’ घोषणा गरिएको थियो । तर, अब फिल्मको नाममा ‘पूर्णबहादुर’ नराखिने भएको छ ।
अभिनेत्री रेखा थापाको निर्देशनमा बनेको फिल्म ‘माया भनेकै यस्तो होला’को तीज गीत ‘नक्कल पारी’ सार्वजनिक गरिएको छ । शान्तिश्री परियार र प्रशान्त सिवाकोटीको युगल गायन रहेको गीतमा प्रशान्त स्वयंको संगीत तथा सुष्मा सिग्देलको शब्द छ । सिफनको साडी र सुनका गरगहनामा सजिन चाहने महिलाको चाहनालाई गीतमा प्रस्तुत गरिएको छ ।
सौरभ चौधरीको निर्देशनमा बन्न लागेको नयाँ फिल्म ‘द राइज अफ साम्राज्य’मा कलाकारहरू भित्रिने क्रम जारी छ । सौगात मल्ल, दयाहाङ राई, नाजिर हुसेन र विजय बराल अनुबन्धित भइसकेको फिल्ममा अब मुख्य अभिनेत्रीको टुंगो लागेको छ । फिल्ममा पहिलो महिला कलाकारको रूपमा अञ्जना बराइलीलाई अनुबन्धित गरिएको हो ।
गत साउन १ गतेबाट प्रदर्शनमा आएको फिल्म ‘गौँथली’ले घरेलु बक्स अफिसमा २५ करोडको आँकडा पार गरेको छ । सोमबार चलचित्र विकास बोर्डले सार्वजनिक गरेको सिनेपाः विवरणअनुसार फिल्मले भदौ ७ गते आइतबारसम्म २५ करोड ५ लाख ६५ हजार ७७२ रुपैयाँ ग्रस कमाइ गरेको छ । फिल्मको उक्त कमाइ ९ लाख ९ हजार ४२६ वटा टिकट बिक्रीबापत भएको हो ।
