Nepal's No.1 Filmy Web Magazine

अभिनेत्री सुहाना थापाको यस वर्षका लागि दोस्रो फिल्म ‘बा: एक योद्धा’ भदौ १९ गतेबाट प्रदर्शनमा आउँदैछ । यसमा उनले आफ्नो ‘कम्फर्ट जोन’बाट बाहिर निस्किएर काम गरेकी छन् । अर्थात् उनी रोमान्टिक भूमिकामा छैनन् । उनले विवाहित छोरीको भूमिकामा अभिनय गरेकी छन् । फिल्ममा उनको आमाबुबाको भूमिकामा झरना थापा र दिव्यदेव छन् ।

हरितालिका तीजको छेको पारेर भदौ २६ गतेबाट प्रदर्शन हुन लागेको फिल्म ‘बेहुली’को दोस्रो गीत ‘म भइनँ भने’ सार्वजनिक गरिएको छ । प्रेमिल भावको यस गीतमा सुरेश लामा र दुर्गा खरेलले स्वर दिएका छन् । शब्द तथा संगीत अर्जुन पोखरेलको हो । उनी फिल्मका प्रस्तुतकर्ता समेत हुन् । गीतमा युवायुवतीबीचको प्रेम र समर्पणको भाव व्यक्त छ । 

२०८९ सालको सुपरहिट फिल्म ‘झिंगेदाउ’ भदौ ५ गतेबाट युट्युबमा सार्वजनिक भइसकेको छ । फिल्म रिलिज भएसँगै भ्यूजको बाढी नै आएको छ । रिलिजको तीन दिनमै २२ लाखभन्दा बढीले फिल्म हेरिसकेका छन् । फिल्मलाई प्रतिक्रिया पनि उत्कृष्ट मिलेको छ । अब यो फिल्मको सिक्वेल ‘झिंगेदाउ २’ असोज २ गतेबाट प्रदर्शनमा आउँदैछ । 

विवश कुमार माझी र मोहन केसीको संयुक्त निर्देशनमा बनेको फिल्म ‘बुकी’को भलिबल खेलमा आधारित गीत सार्वजनिक गरिएको छ । प्रमोद खरेल र रचना रिमालको स्वर रहेको ‘तनमनमा भलिबल’ गीतमा भलिबल खेलमार्फत राष्ट्रका लागि आफ्नो जीवन समर्पित गरेका खेलाडीको कथा प्रस्तुत गरिएको छ । गीतमा मोहन केसीको शब्द तथा दीपक शर्माको संगीत छ । 

‘प्रेमगीत’का निर्देशक सुदर्शन थापाले आफ्नो नयाँ फिल्म ‘शुभ विवाह’को छायांकन सुरु गरेका छन् । आइतबार बिहान तालनगरी पोखरामा क्यामेरा र स्क्रिप्ट पूजा गर्दै फिल्मको छायांकन थालिएको हो । फिल्मका लागि पहिलो सट प्रदीप खड्का र सनिशा भट्टराईले दिए । ४५ दिनसम्म छायांकन हुने फिल्मलाई महाशिवरात्रिको अवसर पारेर फागुन २१ गते प्रदर्शन गरिँदैछ । 

२०८० सालको सुपरहिट फिल्म ‘दिमाग खराब’का निर्माता रौनक विक्रम कँडेलले नयाँ फिल्म ‘खसेको तारा’ निर्माण गर्ने भएका छन् । फिल्मको निर्देशकमा उनले सुयोग गुरुङलाई अनुबन्धित गरिसकेका छन् । सुयोग तिनै निर्देशक हुन्, जसले गत वर्ष ‘जेरी अन टप’ जस्तो ब्लकबस्टर फिल्म दिएका थिए । उनी ‘सानो मन’ र ‘फर्की फर्की’का पनि निर्देशक हुन् ।