Nepal's No.1 Filmy Web Magazine

रंगिन पर्व होलीको छेकोमा फिल्म 'झूम्की'को अफिसियल पोस्टर सार्वजनिक भएको छ । सार्वजनिक पोस्टरमा 'कबड्डी' गर्ल रिश्मा गुरुङ र  अभिनेता दयाहाङ राईलाई प्राथमिकता दिईएको छ । भने लिड कलाकार पुर्व मिस नेपाल मलिना जोशी पोस्टरमा अटेकी छैनन् ।

केहि दिन पहिले फ्लोरमा गएको फिल्म 'पर्शुराम'को फर्स्टलुक आउट भएको छ । फिल्मीखबरलाई प्राप्त तश्विरमा ५ बर्षपछि नेपाली फिल्ममा फर्केका पुराना स्टार बिराज भट्टलाई घोडा चढिरहेको अबस्थामा देख्न सकिन्छ । उनको केहि लामो कपालमा 'हिरो' लुक्स बिराजको भेट्न सकिन्छ ।

निर्माण ईजाजत बिना नै छायाँकनमा गएको फिल्म 'जिस्म' युनिटलाई प्रहरीले सुटिङ स्पटबाटै नियन्त्रणमा लिएको छ । चलचित्र विकास वोर्डमा दर्ता भई फ्लोरमा जानुपर्ने प्रावधान विपरित काम गरेको भन्दै पोखराका सुटिङको क्रममा रहेको राजु गिरी निर्देशित फिल्म युनिटलाई प्रहरीले नियन्त्रणमा लिएको हो । 

हाँस्य कलाकार तथा अभिनेत्री दिपाश्री निरौलाको निर्देशनमा बन्न लागेको फिल्म '६क्का पञ्जा' फ्लोरमा नजाँदै महँगोमा बिक्री भएको छ । हाईलाईट्स नेपालले फिल्म फ्लोरमा जानु पुर्व नै मोटो रकममा फिल्मको ओभरसिज प्रदर्शन 'राईट्स' तथा भिसिडी र 'युट्युव राईट्स' किनेको हो ।

निर्माण ईजाजत बिना नै छायाँकन सकिएको फिल्म 'गाँजाबाजा' को नाम नै लफडामा परेको छ । निर्माण ईजाजत माग्दै चलचित्र विकास वोर्ड जाँदा वोर्डले नाम नै पारित नगरेपछि निर्माण टिम तनाबमा परेको छ । भने वोर्डले अझैं पनि नाम पारित नगर्दैगर्दा अदालतमा सम्म उजुरीको तयारी गरिरहेको निर्देशक गणेशदेव पाण्डेले बताए । 

बैशाख १७ रिलिज फिल्म 'जंगे'को अफिसियल ट्रेलर रिलिज भएको छ । राजधानीमा आयोजित एक कार्यक्रमका बीच फिल्मको ट्रेलर सार्वजनिक गरियो । कार्यक्रममा फिल्मका लिड कलाकार सुरजसिंह ठकुरी, ऋचा शर्मा, दिपशिखा शाही आकर्षण बने ।