रंगिन पर्व होलीको छेकोमा फिल्म 'झूम्की'को अफिसियल पोस्टर सार्वजनिक भएको छ । सार्वजनिक पोस्टरमा 'कबड्डी' गर्ल रिश्मा गुरुङ र अभिनेता दयाहाङ राईलाई प्राथमिकता दिईएको छ । भने लिड कलाकार पुर्व मिस नेपाल मलिना जोशी पोस्टरमा अटेकी छैनन् ।
अपिल बिष्टको निर्माण निर्देशन रहेको फिल्म घोषणा कार्यक्रममा मलिनालाई बढि नै हाईलाईट गरिए पनि अपिलले पोस्टरमा उनलाई नराख्नु रहस्य बनेको छ । मलिनाले अपिकै फिल्म 'ऋतु'बाट नेपाली रजतपटमा अभिनेत्रीको रुपमा डेब्यू गरेकी थिईन् ।
अपिल बिष्ट फिल्म प्रोडक्सन र सिनेमा आर्टको संयुक्त ब्यानरमा निर्माण भएको यो फिल्ममा रविन्द्र सिंह बाँनिया, प्रमोद अग्रहरी, भोलाराज सापकोटा, विजय बराल लगायतका कलाकारको समेत अभिनय समावेश छ । फिल्म अर्को बर्ष भदौ ९ मा रिलिज हुने बताईएको छ ।
