Nepal's No.1 Filmy Web Magazine
नेपाली मूलकी बलीउड अभिनेत्री मनीषा कोइराला अहिले नेपालमा छिन् । गएको तीन हप्ता अगाडि उनी अभिनित बलीउड फिल्म 'डियर माया' रिलिज भएको थियो । तर, यो फिल्म नेपालमा चलेन । 'बम्बे', '१९४२ : अ लव स्टोरी' र 'दिल से...' जस्ता फिल्ममा आफ्नो अभिनय र सुन्दरताको जादु छरेकी ९० को दशककी चर्चित अभिनेत्री मनीषाले आफ्नो २६ बर्ष लामो फिल्मी करिअरमा धेरै चर्चित बलीउड अभिनेताहरुसँग काम गरिसकेकी छिन् ।
युवापुस्तामाझ लोकप्रिय नाम हो साम्राज्ञी राज्यलक्ष्मी शाह । पहिलो फिल्मले नै उनलाई नसोचेको सफलता दिलायो । वर्ष २०७२ मा रिलिज भएको अनमोल केसी स्टारर फिल्म 'ड्रिम्स' बाट साम्राज्ञी नेपाली रजतपटमा भित्रिएकी हुन् । अनमोल केसी भएका फिल्ममा अन्य कलाकारहरु ओझेलमा पर्ने गरेको चर्चा चलिरहँदा साम्राज्ञीलाई भने अनमोलको छाँया पनि परे । 'ड्रिम्स' मा अनमोललाई भन्दा साम्राज्ञीको अभिनयलाई दर्शकहरुले निकै रुचाए ।
