Nepal's No.1 Filmy Web Magazine

नेपालमा अभिनेताहरुको पारिश्रमिकको खबरले बेलाबखतमा सिनेवृतमा ठूलै भूकम्प ल्याउने गर्छ । अनमोल केसीले २० लाख, प्रदीप खड्काले १५ लाख, आशिरमान देशराज श्रेष्ठले १५ लाख पारिश्रमिक लिएको खबरहरु यसअघि नै तपाईहरुले पढिसक्नुभएको छ । यो खबर पत्याउन चाहिँ तपाईहरुलाई निकै मुश्किल पर्छ किनकी अभिनेत्री गौरी मल्लको पारिश्रमिकले नेपालका स्टार नायकलाई समेत मात खुवाएको छ ।

एक्सन स्टार निखिल उप्रेती अहिले नयाँ फिल्म 'कमिटमेन्ट : सिक्स्टी आवर्स'को छायाँकनमा व्यस्त छन् । झण्डै ३ करोड आसपासको लगानीमा निर्माण हुन लागेको यो फिल्मलाई निखिल आफैले निर्देशन गरिरहेका छन् । फिल्ममा निखिलको नै मुख्य भूमिका छ । भारतको फिल्म निर्माण कम्पनी प्रामा इन्स्ट्रूमेन्ट्सको लगानीमा यो फिल्म निर्माण हुन लागेको हो ।