Nepal's No.1 Filmy Web Magazine

नायक आर्यन सिग्देल र निर्देशक दिनेश राउतको सम्बन्धको विषयमा हामीले धेरै कुरा तपाईहरुलाई बताइरहनु नपर्ला । 'नोभेम्बर रेन', 'क्लासिक' लगायतका फिल्ममा आर्यनले निर्देशक राउतको निर्देशनमा काम गरे, जून फिल्मले बक्स अफिसमा राम्रै धमका मच्चाएको थियो । एकपछि अर्को फिल्मले व्यावसायिक सफलता हात पार्न थालेपछि निर्देशक राउत र आर्यनले एक फिल्म निर्माण गर्ने कम्मर कसे । 

यही साउन १३ गतेबाट प्रदर्शनमा आउन लागेको फिल्म हो 'प्रेमगीत २' । वर्ष २०७२ मा रिलिज भएको फिल्म 'प्रेमगीत'को सिक्वेल 'प्रेमगीत २' मा नायकमात्र दोहोरिएका छन् भने नायिका नयाँ छिन् । 'प्रेमगीत'मा प्रेमको भूमिका निर्वाहा गरेका प्रदीप खड्का 'प्रेमगीत २' मा पनि प्रेमकै भूमिकामा छन् । 'प्रेमगीत'मा गीतको भूमिका पूजा शर्माले निर्वाहा गरेकी थिइन् तर यसको सिक्वेलमा पूजाको ठाउँ अश्लेषा ठकुरीले लिएकी छिन् । अश्लेषाले 'प्रेमगीत २' मा गीतको भूमिका निर्वाहा गरेकी छन् ।