Nepal's No.1 Filmy Web Magazine

सर्लाही रैथाने प्रदीप भट्टराई निर्देशित फिल्म ‘जात्रै जात्रा’ शुक्रवारबाट देशभर प्रदर्शनमा आएको छ । यसअघि ‘जात्रा’ र ‘शत्रु गते’ जस्तो ब्लकबस्टर फिल्म दिएका उनी यस फिल्मबाट सफल फिल्म निर्देशकको रुपमा ह्याट्रिक गर्ने दौडमा छन् । फिल्मको व्यापारिक रफ्तार हेर्ने हो भने उनको ह्याट्रिक गर्ने सपना पूरा हुने देखिन्छ । फिल्मलाई दर्शक र समीक्षक दुबैले निकै रुचाएका छन् । 

हलमा पत्तासाफ भएको फिल्म युट्युबमा रिलिज भएपछि रातारात भ्यूजको संख्या हजारबाट लाख पुग्छ । हलमा दर्शकले रुचाएका फिल्मले त २/४ महिनामै करोड भ्यूज पाउँछन् । तर, यसले हलमा नेपाली फिल्मको व्यापारलाई कति असर गरिरहेको छ ? कसैलाई चिन्ता त छ ? हलमा रिलिज भएको केही महिनामै युट्युबमा आउने फिल्म हेर्न किन दर्शकले महँगो टिकट काटेर हलसम्म जाने कस्ट गर्ने ? फिल्मकर्मीले बुझ्न जरुरी छ । 

बलिउड सुपरस्टार सलमान खान स्टारर फिल्म ‘भारत’ को दर्शकलाई व्यग्र प्रतिक्षा छ । फिल्म ५ जूनमा रिलिज हुँदैछ । सलमानसँगै फिल्ममा अभिनेत्री कटरीना कैफको पनि महत्त्वपूर्ण भूमिका छ । फिल्ममा उनी नन ग्ल्यामरस अवतारमा देखिँदैछिन् । ट्रेलरमा पनि उनको डाइलग डेलिभरी र स्क्रिन प्रेजेन्स राम्रो थियो । 

‘अन्तराल’ र ‘श्री ५ अम्बरे’ फिल्म निर्देशन गरिसकेकी महिला निर्देशक दीपा बस्नेतको संयोजकत्वमा ‘आर्ट अफ गिभिङ्ग दिवस’ को अवसरमा तारकेश्वर नगरपालिका गोलढुगांमा रहेको ‘मातृ नेपाल अपाङ्ग संघ’ मा आश्रित अपाङ्ग बालबालिकाहरुलाई खाद्यान्न, स्टेशनरीलगायत सामाग्री प्रदान गरिएको छ । 

ठूलो संख्यामा फिल्म निर्माण हुने सिजन हो- बैशाख र जेठ । पानीले असर नगर्ने भएका कारण निर्माता/निर्देशकहरु यो महिनालाई फिल्म छायांकनका लागि उत्तम मान्दछन् । गत वर्ष मात्र यो मौसममा करीब ३ दर्जन बढी फिल्म फलोरमा थिए । तर, यस वर्ष आधा दर्जन फिल्म पनि फ्लोरमा छैनन् । यसको प्रमुख कारण फिल्मकर्मीले लगातार फिल्म असफल हुनु र कलाकारको पारिश्रमिक बढ्नुलाई मानेका छन् । 

राजु अधिकारीको निर्देशनमा फिल्म ‘माया बस्छ कि के हो ?’ निर्माण हुने भएको छ । आइतवार राजधानीका एक कार्यक्रमका बीच निर्माण घोषणा गरिएको फिल्ममा लिड रोलमा नयाँ कलाकारको अभिनय रहनेछ । फिल्ममा सोनाल तामाङ र कस्मता निरौलाले स्क्रिन साझेदार गर्दैछन् । यो दुबैको डेब्यू फिल्म हो ।