Nepal's No.1 Filmy Web Magazine
दर्शकलाई फिल्मप्रति आकर्षित गर्नका निमित्त फिल्ममेकर विभिन्न खालको प्रचार शैली अपनाउने गरेका छन् । आउँदो असार १३ गतेबाट प्रदर्शनमा आउन लागेको अभिनेता दयाहाङ राई स्टारर फिल्म आप्पाले पनि रिलिज काउन डाउन सुरु भएसँगै प्रचारको नयाँ योजना अगाडि सारेको छ । बाबु छोराको कथा वाचन गर्ने फिल्मले ‘आप्पा स्टोरी च्यालेन्ज’ घोषणा गरेको छ ।
चलचित्र पत्रकार दिवसको अवसरमा चलचित्र पत्रकार संघ, नेपालले पाँच चलचित्र पत्रकारलाई सम्मान तथा पुरस्कार वितरण गरेको छ । आफ्नो २०औं बार्षिक उत्सवको अवसरमा संघले मंगलवार राजधानीमा एक कार्यक्रमका बीच नरेश भट्टराई र श्याम स्मृतलाई 'चलचित्र पत्रकार सम्मान २०७६' र कुवेर गिरी र शारदा थापालाई 'चलचित्र पत्रकारिता पुरस्कार २०७६' प्रदान गर्यो ।
गत वर्षको तुलनामा चालु वर्षमा नेपाली फिल्म निकै कम संख्यामा निर्माण हुने देखिएको छ । केही वर्षयता बैशाख र जेठमा सर्वाधिक फिल्मको छायांकन हुने गर्दथ्यो । गत वर्ष मात्र यो सिजनमा ३० बढी फिल्म फ्लोरमा थिए । अहिले आधा दर्जन पनि छैनन् । फिल्महरु लगातार असफल हुनु र कलाकार/प्राविधिक महँगिनुले फिल्म निर्माणमा ह्वात्तै ह्रास आएको फिल्मकर्मीहरुको भनाई छ ।
गएको शुक्रवारबाट देशभर प्रदर्शनमा आएको मल्टीस्टारर फिल्म ‘जात्रै जात्रा’ लाई दर्शक र समीक्षक दुबैले निकै रुचाएका छन् । सार्थक सिक्वेलको रुपमा ब्याख्या गरिएको फिल्मले अहिले बक्सअफिसमा पनि राम्रो पैसा छापिरहेको छ । विना विदाको दिन पनि फिल्म हेर्ने दर्शकको संख्यामा कमी आएको छैन । फिल्मको सिंगलभन्दा मल्टीप्लेक्समा व्यापार राम्रो छ ।
गएको डेढ वर्ष अगाडि प्रदर्शनमा आएको फिल्म ‘तिमीसँग’ सँग फेम्ड निर्देशक शिशिर राणा अहिले नयाँ फिल्मको तयारीमा छन् । नाम चलेका कलाकारहरुको ठूलो जमघट गराएर उनी फिल्म ‘पोइ पर्यो काले’ बनाउँदैछन् । जेठ १३ गतेबाट फिल्मको छायांकन सुरु हुँदैछ । फिल्मको कथा निर्देशक राणा स्वयंले लेखेका छन् । सोमवार यस फिल्मको शुभ साइत गरिएको छ ।
चलचित्र निर्माता संघ र लुम्बिनी जेनेरल इन्सुरेन्सबीच ‘चलचित्र प्रोजेक्ट बीमा’ को औपचारिक सम्झौता भएको छ । फिल्म निर्माणको क्रममा आइपर्ने भैपरी घटनालाई मध्यनजर गर्दै निर्माता संघ र लुम्बिनी इन्सुरेन्सबीच कागजी सम्झौता भएको हो । सोमवार एक कार्यक्रमका बीच निर्माता संघका अध्यक्ष आकाश अधिकारी र लुम्बिनी इन्सुरेन्सका सीइओ एन.पि प्रधानले सम्झौता पत्रमा हस्ताक्षर गरेका छन् ।
