Nepal's No.1 Filmy Web Magazine
अभिनेता भुवन केसी आफूले राम्रोसँग चिनेका कलाकार हुन् वा नचिनेका, सबैको मुक्तकण्ठले प्रशंसा गर्न कुनै कसर छाड्दैनन् । सबैलाई आफ्नो मनपर्ने अभिनेता वा अभिनेत्री भनिदिन्छन् । उनी ट्याग दिन समेत माहिर छन् । फिल्म 'रामकहानी' हेरेपछि अभिनेत्री पूजा शर्मालाई उनले 'नेपालको नम्बर वान' अभिनेत्रीको ट्याग दिएका थिए । उनी कुनै फिल्म हेर्न गए भने तारिफको पुल बाँधेर मात्र फर्किन्छन् ।
अभिनेत्री नीता ढुंगाना र अभिनेता प्रज्वल गिरीले पहिलो पटक स्क्रिन साझेदारी गरेको फिल्म ‘सोच’ को प्रदर्शन मिति आउँदो भदौ २० गतेलाई घोषणा गरिएको छ । एक्सन लभस्टोरी जनरामा निर्र्माण भएको फिल्मको निर्माण टिमले फस्टलुक पोस्टर सार्वजनिक गर्दै प्रदर्शन मिति घोषणा गरेको हो ।
बलिउड अभिनेत्री सोनाक्षी सिन्हा आइतवारबाट ३२ वर्षकी भएकी छन् । २ जून १९८७ मा मुम्बईमा जन्मिएकी उनले कहिल्यै अभिनेत्री बन्ने सोचेकी थिइनन् । सन् २०१० मा उनले बलिउड सुपरस्टार सलमान खानको अपोजिटमा फिल्म ‘दबंग’ बाट बलिउडमा डेब्यू गरिन् । यो फिल्मका लागि उनले ३० केजी तौल कम गरेकी थिइन् । डेब्यू अगाडि उनी ९० केजी थिइन् । उनी बलिउड अभिनेता शत्रुघन सिन्हाकी छोरी हुन् ।
एक जमाना नेपाली फिल्ममा आफ्नो बलियो साम्राज्य विस्तार गरेका अभिनेता भुवन केसी केही वर्षयता अभिनयबाट टाढा छन् । उनी अहिले आफ्नो छोरा अनमोल केसीको करिअर मजबुत मनाउन दिन-रात खटिरहेका छन् । अनमोलले पनि आफूलाई अभिनेताको रुपमा स्थापित गरेसँगै भुवन पुनः अभिनयमा फर्किएका छन् । उनले फिल्म ‘मिस्टर नेपाली’ बाट कमब्याक गर्ने भएका छन् ।
‘भर्सटायल अभिनेता’ खगेन्द्र लामिछाने फिल्म ‘पानीफोटो’ बाट निर्देशनमा औपचारिक रुपमा होमिने भएका छन् । दशक अगाडि गुरुकुलमा मञ्चन भएको चर्चित नाटक ‘पानीफोटो’ को कथामा फिल्म निर्माण हुन लागेको हो । यो नाटकको खगेन्द्र स्वयंले लेखन र निर्देशन गरेका थिए । उनले नाटकलाई पुस्तकमा समेत ढालिसकेका छन् । अब, उनले उक्त नाटकलाई फिल्मको रुप दिन लागेका हुन् ।
अभिनेत्रीमा अहिलेकी 'हटकेक' साम्राज्ञी आरएल शाह फिल्म ‘मारुनी’ मार्फत् करीब एक वर्षपछि ठूलो पर्दामा फर्किँदैछिन् । उनी अभिनीत पछिल्लो फिल्म ‘इन्टु मिन्टु लण्डनमा’ गत वर्षको असोजमा रिलिज भएको थियो । फिल्म छनोटमा निकै चुजी मानिने साम्राज्ञीले अभिनेता पुष्प खड्कासँग रोमान्स गरेको फिल्म ‘मारुनी’ को फस्टलुक सार्वजनिक भएको छ । फिल्म भदौ १३ मा रिलिज हुँदैछ ।
