Nepal's No.1 Filmy Web Magazine

भेट्रान निर्देशक तुलसी घिमिरे कुशल निर्देशक मात्र होइनन् । जीवन्त अभिनय गर्ने कलाकार पनि हुन् । उनले थुप्रै फिल्ममा अभिनय गरिसकेका छन् । २ दशक अगाडि एकसेएक सुपरहिट फिल्म दिएका उनी निर्देशित तथा अभिनीत पछिल्लो फिल्म 'दर्पण छायाँ २' हो । तर, यो फिल्मले हलमा हावा खायो । यसपछि उनले पुनः फिल्म निर्देशन गर्ने आँट जुटाउन सकेका छैनन् । 

नेपाली फिल्मकी सदाबहार अभिनेत्री करिश्मा मानन्धरले एक समय नेपाली फिल्ममा लोभलाग्दो सफलता र लोकप्रियता हासिल गरेकी थिइन् । २ दशक अगाडिकी उनी निर्विकल्प अभिनेत्री हुन् । उनको अनुहार पोस्टरमा राखेको भरमा फिल्म हेर्न दर्शकको ठूलो भीड हलसम्म पुग्ने पर्थ्यो । तर, समय सधैं एकनास कहाँ हुन्छ र ? एक जमाना उनलाई लिड हिरोइनको अफर थेगिनसक्नु आउँथ्यो । अहिले आमाको रोल अफर आउने गरेका छन् । 

अमेरिकन फिल्म निर्माता ज्याक स्नायडरको हलिउड फिल्म 'आर्मी अफ द डेड' मा बलिउड अभिनेत्री हुमा कुरेशी अनुबन्ध भएकी छन् । फिल्ममा उनको महत्त्वपूर्ण भूमिका रहने भारतीय मिडियाले बताएका छन् । पहिलो हलिउड प्रोजेक्टलाई लिएर हुमा निकै उत्साहित छिन् । 

प्रायः नेपाली फिल्मलाई पहिलो हप्ता पनि हलमा टिक्न मुश्किल पर्छ । कति फिल्म त दर्शक अभावका कारण पहिलो शोबाटै उत्रिन्छन् । बक्सअफिसमा लोभलाग्दो व्यापार गर्ने फिल्म पनि दोस्रो वा तेस्रो साताबाट ओरालो लाग्न थाल्छन् । तर, गएको जेठ ३ गते प्रदर्शनमा आएको फिल्म ‘जात्रै जात्रा’ ले भने आक्रामक व्यापारलाई तेस्रो हप्ता पनि निरन्तरता दिने देखिएको छ । 

तीन हप्ता अगाडि प्रदर्शनमा आएको दुई फिल्म ‘जात्रै जात्रा’ र ‘बीर विक्रम २’ को चेपुवामा पर्ने डरले गत हप्ता कुनै नेपाली फिल्म रिलिज भएनन् । यस हप्ताको शुक्रवारबाट भने सम्राट सापकोटा निर्देशित फिल्म ‘कप्स’, मदन घिमिरेको ‘काउसो’ र दीपक ओली निर्देशित फिल्म ‘कुम्भ करण’ ले हलमा व्यापारिक प्रतिस्पर्धा थालेका छन् । तीनै फिल्ममा नाम चलेका कलाकारहरुको अभिनय छ । 

गत वर्ष ६ महिनादेखि कुनै फिल्म नचलेर फिल्म क्षेत्र नै धरासायी हुने अवस्थामा पुगेको थियो । बजारले स्टार मानेका र ठूला ब्यानरका फिल्मले समेत राम्रो व्यापार गर्न सकेका थिएनन् । खडेरी लागेको नेपाली फिल्मको व्यापारलाई चैत २९ मा आएको अभिनेता अनमोल केसी र अभिनेत्री सुहाना थापा स्टारर फिल्म ‘ए मेरो हजुर ३’ ले चलायमान बनाएको थियो ।