Nepal's No.1 Filmy Web Magazine
गत वर्ष प्रदर्शनमा आएको समीक्षात्मक रुपमा सफल फिल्म ‘बुलबुल’ मा चोपेन्द्रको चरित्रमार्फत् परिचित मुकुन भुषालले दोस्रो फिल्मको रुपमा ‘झिँगेदाउ’ साइन गरेका छन् । पुराना निर्देशक ज्ञानेन्द्र देउजाले निर्देशन गर्ने फिल्ममा उनको प्रमुख भूमिका रहनेछ । उनको अपोजिटमा भने अभिनेत्री तय भएको छैन ।
नयाँ वर्ष नेपाली फिल्म रिलिजका लागि उत्तम समय मानिन्छ । यसैले पनि हरेक वर्ष नयाँ वर्षलाई लक्षित गरेर दुईभन्दा बढी ठूला फिल्म रिलिज हुने गरेका छन् । गएको नयाँ वर्षमा पनि अभिनेता अनमोल केसीको 'ए मेरो हजुर ३' र अभिनेता सलिनमान बनियाँको 'यात्रा' एकसाथ प्रदर्शनमा आएका थिए । आउँदो नयाँ वर्षमा पनि ठूला फिल्मको भाले जुधाई हुने देखिएको छ ।
केही वर्षयता नेपाली फिल्ममा आफ्नो दबदबा कायम गरेका अभिनेता अनमोल केसी अहिले ‘सर्ट टर्म विश्राम’ लिएर बसेका छन् । गएको वर्ष दुई फिल्म ‘क्याप्टेन’ र ‘ए मेरो हजुर ३’ को भ्याइनभ्याइ गरि छायांकन र प्रमोसन गरेका उनी अब एउटा फिल्म रिलिज भएपछि मात्र अर्को फिल्ममा अनुबन्ध हुने सोचमा छन् । गत वर्ष दुई फिल्म डेढ महिनाको अन्तरमा रिलिज हुँदा उनलाई निकै सकस भएको थियो ।
अभिनेता तथा लेखक खगेन्द्र लामिछानेको ‘लुक्स’ परम्परागत हिरोको जस्तो छैन । न चकलेटी अनुहार । न संगठित शरीर । तर, अभिनय जोडदार छ । बजारले ‘स्टार’ मानेका अभिनेताहरुबाट दर्शक असन्तुष्ट भइरहेको अवस्थामा उनले भने हरेक फिल्मबाट दर्शकको मन जित्दै गएका छन् । उनी, मुख्य भूमिकामै खेलेर फिल्मलाई काँध हालेर हिँड्न सक्छन् । आफू कम चरित्र बढी बाँच्ने उनले फिल्मी करिअरको ७ वर्षमा जति पनि फिल्म गरे सबैले दर्शकलाई अपनत्त्व महशुस गराएका छन् ।
इद उल फितरको अवसरमा बुधबारबाट प्रदर्शनमा आउन लागेको बलिउड सुपरस्टार सलमान खानको प्रमुख भूमिका रहेको फिल्म ‘भारत’ नेपालमा भने शुक्रबार प्रदर्शनमा आउने चर्चा थियो । यसअघि फिल्म ‘कलंक’ लाई भारतमा प्रदर्शनमा आएकै दिन अर्थात् बिहीबार नेपालमा पनि रिलिज गर्न चलचित्र विकास बोर्डले रोकेको थियो । किनकि, नेपाली फिल्म शुक्रबार मात्र रिलिज हुने गर्दछन् ।
अभिनेत्री वर्षा राउतको आजसम्म पहिरनलाई लिएर आलोचना भएको छैन । रिलमा प्रायः साधारण युवती वा महिलाको भूमिका निर्वाहा गर्दै आएकी वर्षा वास्तविक जीवनमा भने बोल्ड पहिरनमा हिँड्न रुचाउँछिन् । तर, उनको पहिरनलाई लिएर कहिल्यै आलोचना भएन । न त ट्रोलको शिकार नै भएकी थिइन् । यसपटक भने उनी पहिरनका कारण पहिलो पटक नराम्रोसँग ट्रोलको शिकार हुनु परेको छ ।
