Nepal's No.1 Filmy Web Magazine
अन्ततः ‘कबड्डी’ को तेस्रो सिरिजका लागि कलाकारको लाइनअप पूरा भएको छ । लामो समयदेखि फिल्ममा अभिनेता प्रदीप खड्काको प्रवेश हुने चर्चा थियो । आफूलाई ‘स्टार’ बनाएको ‘प्रेमगीत’ को तेस्रो सिरिजमा व्यस्त हुने भएपछि उनले ‘कबड्डी कबड्डी कबड्डी’ बाट हात झिकेका छन् । उनको ठाउँमा अभिनेता कर्मा भित्रिएका छन् । अभिनेता दयाहाङ राई यथावत छन् ।
अहिलेका जल्दाबल्दा अभिनेता अनमोल केसीको डेब्यू फिल्म हो- ‘होस्टेल’ । उनीसँगै सलोन बस्नेत र गौरव पहारीले पनि यही फिल्मबाट डेब्यू गरेका थिए । फिल्म बक्सअफिसमा हिट साबित भएको थियो । यो फिल्म सफल हुनुको कारण अनमोललाई मान्ने गरिन्छ । तर, दोस्रो सिरिजमा उनी दोहोरिएनन् । उनलाई शुशील श्रेष्ठले रिप्लेस गरे ।
आउँदो जेठ ३ गतेबाट देशभर प्रदर्शनमा आउन लागेको फिल्म ‘बीर विक्रम २’ को प्रचार-प्रचारमा व्यस्त अभिनेत्री वर्षा सिवाकोटीले लगनखेलमा सञ्चालनमा आएको 'मायाज् ब्युटी पार्लर एण्ड ट्रेनिङ सेन्टर' को नयाँ शाखाको उद्घाटन गरेकी छन् । एक दशकदेखि सौन्दर्य व्यवसायमा आबद्ध गीता गिरिले यस ब्युटी पार्लर सञ्चालनमा ल्याएकी हुन् ।
गत वर्ष प्रदर्शनमा आएको फिल्म 'जीरो' बक्सअफिसमा पत्तासाफ भएपछि अभिनेता शाहरुख खानले कुनै नयाँ फिल्म साइन गरेका छैनन् । अब उनी केही समय ब्रेक लिने सोचमा छन् । यसबीच, उनको नयाँ फिल्म ‘सत्ते पे सत्ता’ को रिमेक हुनसक्ने चर्चा छ । उनको अपोजिटमा फेरि एकपटक कटरीना कैफ देखिन सक्नेछिन् ।
अभिनेत्री द्वय नीता ढुंगाना र मिरुना मगरको प्रमुख भूमिका रहेको फिल्म ‘साइनो’ को रिलिज डेट हेरफेर भएको छ । आउँदो जेठ १० गतेबाट प्रदर्शनमा आउने कन्फर्म भएको यो फिल्म प्राविधिक कारणले साउन २४ मा पुगेको छ । डबिङ, कलरिङ र मिक्सिङ नसकिने भएकाले फिल्मको रिलिज सार्नु परेको निर्माण टिमले जनाएको छ ।
गत वर्ष प्रदर्शनमा आएको फिल्म 'इन्टु मिन्टु लण्डनमा' बाट सानदार डेब्यू गरेका अभिनेता धिरज मगर नेपाली फिल्म क्षेत्रले निकै आश गरेका अनुहार हुन् । डेब्यू फिल्ममा उनको अभिनयको सर्वत्र तारिफ भएको थियो । केही वर्षयता नेपाली फिल्ममा आफ्नो वर्चश्व जमाइरहेका अभिनेता द्वय अनमोल केसी र प्रदीप खड्काका लागि उनी 'थ्रेट' हुनसक्ने विश्लेषण कतिपयको छ ।
