Nepal's No.1 Filmy Web Magazine
अभिनेता दयाहाङ राई स्टारर फिल्म ‘आप्पा’ को नयाँ गीत सार्वजनिक गर्दै निर्माण टिमले नयाँ प्रदर्शन मिति पनि घोषणा गरेको छ । आउँदो जेठ २४ गते प्रदर्शनमा आउने निश्चित भएको यो फिल्म अब असार १३ गतेबाट मुलुकभर लाग्ने भएको छ । सार्वजनिक ‘अमला’ गीतमा मेलिना राई र एसडी योगीको स्वर छ ।
'बाहुबली' एक्टर प्रभास अहिले आफ्नो नयाँ फिल्म ‘साहो’ को तयारीमा छन् । यो फिल्ममा उनले बलिउड अभिनेत्री श्रद्धा कपूरसँग रोमान्स गरेका छन् । तेलगु र तमिलका अलावा हिन्दी भाषामा पनि फिल्म रिलिज हुँदैछ, जसका लागि प्रभास हिन्दी सिकिरहेका छन् ।
दीपकराज गिरी र दीपाश्री निरौलाको समुहले निर्माण गरेको फिल्म 'छक्का पञ्जा' को सिरिजले बक्सअफिसमा लोभलाग्दो व्यापार गरेपछि नेपालमा कमेडीको चास्नी हालेर फिल्म निर्माण गर्ने क्रम ह्वात्तै बढेको छ । अहिले हरेक हप्ता प्रदर्शनमा आउने नेपाली फिल्म प्रायः कमेडी प्रधान हुने गरेका छन् । तर, कमेडी प्रधान भनिएका अधिकांश फिल्म एउटै रोगबाट ग्रस्त छन् । प्रायः फिल्मले दर्शक हँसाउन दोहोरो अर्थ लाग्ने संवादको मात्र सहारा लिएका छन् ।
