Nepal's No.1 Filmy Web Magazine
बलिउड अभिनेत्री सोनाक्षी सिन्हा आइतवारबाट ३२ वर्षकी भएकी छन् । २ जून १९८७ मा मुम्बईमा जन्मिएकी उनले कहिल्यै अभिनेत्री बन्ने सोचेकी थिइनन् । सन् २०१० मा उनले बलिउड सुपरस्टार सलमान खानको अपोजिटमा फिल्म ‘दबंग’ बाट बलिउडमा डेब्यू गरिन् । यो फिल्मका लागि उनले ३० केजी तौल कम गरेकी थिइन् । डेब्यू अगाडि उनी ९० केजी थिइन् । उनी बलिउड अभिनेता शत्रुघन सिन्हाकी छोरी हुन् ।
एक जमाना नेपाली फिल्ममा आफ्नो बलियो साम्राज्य विस्तार गरेका अभिनेता भुवन केसी केही वर्षयता अभिनयबाट टाढा छन् । उनी अहिले आफ्नो छोरा अनमोल केसीको करिअर मजबुत मनाउन दिन-रात खटिरहेका छन् । अनमोलले पनि आफूलाई अभिनेताको रुपमा स्थापित गरेसँगै भुवन पुनः अभिनयमा फर्किएका छन् । उनले फिल्म ‘मिस्टर नेपाली’ बाट कमब्याक गर्ने भएका छन् ।
‘भर्सटायल अभिनेता’ खगेन्द्र लामिछाने फिल्म ‘पानीफोटो’ बाट निर्देशनमा औपचारिक रुपमा होमिने भएका छन् । दशक अगाडि गुरुकुलमा मञ्चन भएको चर्चित नाटक ‘पानीफोटो’ को कथामा फिल्म निर्माण हुन लागेको हो । यो नाटकको खगेन्द्र स्वयंले लेखन र निर्देशन गरेका थिए । उनले नाटकलाई पुस्तकमा समेत ढालिसकेका छन् । अब, उनले उक्त नाटकलाई फिल्मको रुप दिन लागेका हुन् ।
अभिनेत्रीमा अहिलेकी 'हटकेक' साम्राज्ञी आरएल शाह फिल्म ‘मारुनी’ मार्फत् करीब एक वर्षपछि ठूलो पर्दामा फर्किँदैछिन् । उनी अभिनीत पछिल्लो फिल्म ‘इन्टु मिन्टु लण्डनमा’ गत वर्षको असोजमा रिलिज भएको थियो । फिल्म छनोटमा निकै चुजी मानिने साम्राज्ञीले अभिनेता पुष्प खड्कासँग रोमान्स गरेको फिल्म ‘मारुनी’ को फस्टलुक सार्वजनिक भएको छ । फिल्म भदौ १३ मा रिलिज हुँदैछ ।
अहिलेका जल्दाबल्दा अभिनेता प्रदीप खड्का आउँदो चैत २८ गते प्रदर्शनमा आउन लागेको फिल्म ‘प्रेमगीत ३’ को तयारीमा छन् । आइतवार उनले फिल्ममा रोमान्स गर्ने अभिनेत्रीको टुंगो लाग्दैछ । उनी भने कपाल बढाउन र शरीर संगठित बनाउन जिममा पसिना बगाइरहेका छन् । यस फिल्मलाई छेतेन गुरुङ र सन्तोष सेनले मिलेर निर्देशन गर्दैछन् । छेतेनले यसको कथा लेखेका हुन् ।
गएको महिना गर्धनमा अचानक ट्युमर देखिएपछि भारतमा शल्याक्रिया गरेकी अभिनेत्री श्वेता खड्का पूर्ण रुपमा निको नभएपछि फिल्म ‘हेल्लो जिन्दगी’ मा अभिनेत्री प्रियंका कार्की भित्रिएकी छन् । अस्पतालको शैयाबाटै अभिनेत्री खड्काले स्वास्थ्य अवस्थाका लागि फिल्म गर्न असमर्थ रहेको जानकारी गराएकी थिइन् । फिल्ममा उनको केही प्रतिशत सिन खिचिसकिएको छ ।
