Nepal's No.1 Filmy Web Magazine

कुनै समय नेपाली फिल्ममा एकछत्र राज गरेका अभिनेता दीलिप रायमाझीकी छोरी दिव्याले आफ्नो पिताको बिँडो थाम्न लागेको चर्चाले केही दिनयता फिल्मवृत राम्रै तातेको छ । हास्यकलाकार शिवहरी पौडेलले फिचर फिल्म निर्देशनमा हात हाल्न लागेको ‘लक्का जवान’ बाट उनलाई डेब्यू गराउने तयारी चलेको थियो । तर, अध्ययनका कारण दिव्याले तत्काल फिल्म नगर्ने भएकी छन् । 

बलिउड अभिनेत्री सन्नी लिओनीले ठुम्का लगाएको नेपाली फिल्म ‘पासवर्ड’ को अफिसियल पोस्टर लञ्च भएको छ । पोस्टरमा सन्नीसहित फिल्मका प्रमुख कलाकारहरु फिचर्ड छन् । एक पोस्टरमा अभिनेता द्वय अनुपविक्रम शाही र विक्रम जोशीलाई रिसाहा अवतारमा देख्न सकिन्छ । भने, अर्को पोस्टरमा सन्नी कामुक रुपमा देखिएकी छन् । फिल्म भाद्र २७ मा रिलिज हुँदैछ । 

नेपालमा हरर फिल्मको क्रेज खासै छैन । हलिउड र बलिउडका हरर फिल्मले नेपालमा राम्रो व्यापार गरे पनि नेपाली हरर फिल्मले भने गतिलो व्यापार गर्न सकेको रेकर्ड छैन । अधिकांश हरर जनरामा बनेका नेपाली फिल्मले पोस्टरको पैसा समेत उठाउन सकेका छैनन् । यद्यपि, वर्षमा एक/दुईवटा फिल्म भने बनिरहेका छन् । गत वर्ष फिल्म ‘सुनकेशरी’ प्रदर्शनमा आएको थियो । यस वर्षका लागि पहिलो हरर फिल्म ‘घर’ हलमा प्रदर्शनरत छ । 

शुक्रबारबाट प्रदर्शनमा आएको अभिनेत्री कंगना रनौत र अभिनेता राजकुमार राव अभिनीत बहुप्रतिक्षीत फिल्म ‘जजमेन्टल हे क्या’ ले बक्सअफिसमा राम्रो प्रदर्शन गरिरहेको छ । पहिलो दिन ५ करोड ४० लाख कमाएको फिल्मले दोस्रो दिन सानदार कमाई गरेको छ । दोस्रो दिन फिल्मको व्यापारमा लगभग ५० प्रतिशत उछाल आएको छ ।