Nepal's No.1 Filmy Web Magazine
अभिनेता द्वय सुशील श्रेष्ठ र आमिर गौतमको प्रमुख भूमिका रहेको फिल्म 'बादशाह जुट' कात्तिक १५ गतेबाट देशव्यापी प्रदर्शनमा आउँदैछ । आफूलाई बादशाह सम्झने दुई युवकको कथामा फिल्म आधारित छ । फिल्ममा सुशीलले पत्रकार र आमिरले हवल्दारको भूमिका निभाएका छन् । जोनी सिंह राणाले फिल्मको निर्देशन गरेका हुन् ।
अभिनेता भुवन केसी अभिनीत फिल्म ‘मिस्टर नेपाली’ को ट्रेलर सार्वजनिक भएको छ । कात्तिक २९ गतेबाट देशव्यापी प्रदर्शनमा आउन लागेको फिल्मको ट्रेलरमा भुवनलाई दोहोरो भूमिकामा देख्न सकिन्छ । उनले निभाएको एउटा चरित्र नेगेटिभ देखिएको छ । देव भुषालले फिल्मको निर्देशन गरेका हुन् । कथा, पटकथा र संवाद पनि उनकै हो ।
प्रविधिअनुसार परिमार्जित हुन नसक्दा सिंगल थिएटरहरु विस्तारै विस्थापित भइरहेको अवस्थामा फिल्म हेर्नका लागि अहिले दर्शकको पहिलो रोजाई मल्टीप्लेक्स बन्न थालेको छ । महँगो टिकट काटेर भए पनि सुविधा सम्पन्न हलमा फिल्म हेर्ने दर्शकको संख्या बढ्दो छ । त्यसैले पछिल्लो केही समययता नेपालमा मल्टीप्लेक्सको निर्माण तीव्र गतिमा भइरहेको छ ।
