Nepal's No.1 Filmy Web Magazine

गत वर्षको दशैंमा प्रदर्शनमा आएको फिल्म ‘छक्का पञ्जा ३’ पछि करीब ६ महिना कुनै फिल्म चलेनन् । हरेक हप्ताको शुक्रबार प्रदर्शनमा आएका फिल्मले पोस्टरको समेत पैसा उठाउन नसक्दा फिल्म क्षेत्रै धरासायी हुने अवस्थामा पुगेको थियो । फिल्म निर्माण र प्रदर्शन गर्नै मेकर तर्सिन थालेका थिए । तर, नयाँ वर्षमा प्रदर्शनमा आएको अभिनेता अनमोल केसी स्टारर फिल्म ‘ए मेरो हजुर ३’ ले सुस्ताएको फिल्मको बजार धेरै हदसम्म उठायो । 

बलिउड अभिनेत्री सन्नी लियोनी अभिनीत पहिलो नेपाली फिल्म ‘पासवर्ड’ ट्रेलर सार्वजनिक भएको छ । नेपालबाट चोरिएर लण्डन पुर्‍याइएको मन्दिरको मूर्तिलाई नेपाल ल्याउन मुख्य पात्रले गर्ने संघर्षमा फिल्म आधारित रहेको ट्रेलरले प्रस्ट्याउँछ । भाद्र २७ गतेबाट प्रदर्शनमा आउन लागेको सम्राट बस्नेत निर्देशित फिल्मको ट्रेलरमा प्रोडक्सन भ्यालु उच्च देखिन्छ ।

लभर गर्लको भूमिकामा निकै रुचाइएकी अभिनेत्री नम्रता श्रेष्ठका प्रायः फिल्म व्यापारिक र समीक्षात्मक रुपमा सफल छन् । उनको जीवन्त अभिनयको सधैं चर्चा हुने गर्दछ । बौद्धिक तथा शारीरिक सुन्दरताका हिसाबले पनि अब्बल उनी हुलिया, बोल्ने शैली र हाउभाउबाट जुनसुकै भूमिकालाई जीवन्त बनाइदिन्छिन् । अभिनयमा विविधता पस्कन सिपालु उनी उस्तै भूमिकामा पनि फरकपन आभास गराउन सफल छिन् । 

कतिले डेब्यू फिल्मबाटै नसोचेको सफलता नाप्छन् । कसैलाई जति फिल्म गरे पनि सफलता पाउनै महाभारत पर्छ । अभिनेत्री मिरुना मगरलाई अहिले निरन्तर फिल्म असफल भएर तनाव छ । अभिनय र सुन्दरताको निकै चर्चा हुने भएता पनि उनका कुनै फिल्मले बक्सअफिसमा सफलता प्राप्त गर्न सकेका छैनन् । डेब्यू फिल्म ‘लालपूर्जा’ बाट सुरु भएको फ्लप श्रृंखला अझै बरकरार छ ।