Nepal's No.1 Filmy Web Magazine
अभिनेता अक्षय कुमार र अभिनेत्री विद्या बालनको सुपरहिट हरर कमेडी फिल्म ‘भूल भुलैया’ को सिक्वेलको अफिसियल पोस्टर सार्वजनिक भएको छ । ‘भूल भुलैया-२’ मा चकलेटी अभिनेता कार्तिक आर्यन मुख्य भूमिकामा अनुबन्ध भएका छन् । सार्वजनिक दुई पोस्टरमा आर्यनको चरित्र चित्रण गरिएको छ ।
आगामी ९२ औं एकेडेमी अवार्डस् (द अस्कर अवार्ड) मा सहभागी हुनका लागि नेपाली फिल्मलाई आह्वान गरिएको छ । आफ्नो फिल्म अस्कर अवार्डमा सहभागी गराउन चाहनेले भदौ १३ गते शुक्रबारसम्म दर्ता गरिसक्नुपर्ने नेपालको अस्कर अवार्ड समितिले जनाएको छ ।
‘प्वाक्क मुखमा हान्नुजस्तो’ थेगोले चर्चित हास्यकलाकार शिवहरी पौडेलले निर्देशनमा डेब्यू गर्न लागेको फिल्म ‘लक्का जवान’ को शुभ मुहूर्त गरिएको छ । सोमबार ललितपुरको बंगलामुखी मन्दिरमा फिल्मको स्क्रिप्ट, क्यामेरा र क्ल्याप पूजा गरियो । फिल्मको बुधबारबाट छायांकन सुरु हुनेछ । भने, पहिलो सेड्युलका लागि काभ्रे रोजिएको छ ।
निर्माता छविराज ओझाकी श्रीमाती तथा अभिनेत्री शिल्पा पोखरेललाई तत्काल पक्राउ नगर्न सर्वोच्च अदालतले आदेश दिएको छ । काठमाडौं जिल्ला अदालतले पक्राउ गरि कारबाही अगाडि बढाउन दिएको आदेशविरुद्ध शिल्पा उच्च अदालत पुगेकी थिइन् । तर, उच्च अदालतले जिल्ला अदालतको आदेशलाई सदर गरेपछि उनी सर्वोच्च पुगेकी हुन् ।
चौथो दिनमा प्रदर्शनरत मल्टीस्टारर फिल्म ‘हजार जुनीसम्म’ को चौथो गीत सार्वजनिक भएको छ । ‘सत्य सत्य’ बोलको प्रेमिल गीतमा अभिनेता आर्यन सिग्देल र अभिनेत्री प्रियंका कार्की रोमान्टिक अवतारमा प्रस्तुत छन् । गीतमा प्रियंका बोल्ड अन्दाजमा देखिएकी छन् । सुगम पोखरेलले गीत गाएका हुन् ।
गएको जेठमा प्रदर्शनमा आएको सुपरहिट फिल्म ‘जात्रै जात्रा’ पछि कुनै फिल्मले बक्सअफिसमा अपेक्षाकृत व्यापार गर्न सकेका छैनन् । आश गरिएका फिल्मले समेत दर्शक हलमा तान्न नसकेको अवस्थामा बिहीबारबाट प्रदर्शनमा आएको मल्टीस्टारर फिल्म ‘हजार जुनीसम्म’ ले सुस्ताएको फिल्मको बजारलाई फेरि उठाउने अपेक्षा गरिएको थियो । तर, सफल हुने लक्षण देखिएको छैन ।
