Nepal's No.1 Filmy Web Magazine
अभिनेता पुष्प खड्का र अभिनेत्री साम्राज्ञी आरएल शाह दर्शक फकाउन देश दौडाहामा निस्किएका छन् । भाद्र १३ गतेबाट प्रदर्शन हुन लागेको फिल्म ‘मारुनी’ को विषयमा जानकारी दिने उद्येश्यले उनीहरु अहिले मोफसल टुरमा छन् । यसको सुरुवात सुनसरीको इटहरीबाट भएको छ । बुधबार इटहरीमा भएको भव्य कन्सर्टमा पुष्प र साम्राज्ञीसँगै निर्मात्री पुनम गौतम, निर्देशक नवल नेपाल र गायक कृष्ण काफ्लेले दर्शकसँग साक्षात्कार गरे ।
अभिनेता द्वय सौगात मल्ल र विपिन कार्की स्टारर फिल्म ‘लालपूर्जा’ बाट डेब्यू गरेकी अभिनेत्री मिरुना मगरको चौथो फिल्म ‘च च हुई’ आउँदो मंसिर ६ गतेबाट प्रदर्शनमा आउँदैछ । यसमा उनले अभिनेता आर्यन सिग्देलसँँग रोमान्स गरेकी छन् । बिहीबार यो फिल्मको ‘सिल्की सिल्की बाल’ गीत सार्वजनिक भएको छ । गीतमा आर्यनसँग उनको केमेस्ट्री गजबको देखिएको छ । फिल्मका निर्देशक साम्तेन भुटिया हुन् ।
साम्तेन भुटिया निर्देशित फिल्म ‘च च हुई’ को पहिलो गीत सार्वजनिक भएको छ । बिहीबार राजधानीमा एक कार्यक्रमका बीच सार्र्वजनिक गरिएको ‘सिल्की सिल्की बाल’ बोलको गीतमा फिल्मका लिड अभिनेता आर्यन सिग्देल र अभिनेत्री मिरुना मगर प्रेमिल मुद्रामा प्रस्तुत छन् । कलाकार भोलाराज सापकोटालाई पनि गीतमा ठुम्का लगाएको देख्न सकिन्छ ।
साउथका सुपरस्टार प्रभासलाई 'बाहुबली' सिरिजमा काम गरेपछि संसारले चिन्यो । उनको फिजिकमा युवतीहरु पहिलादेखि नै फिदा थिए अब उनको एक्सनको पनि फ्यान भएका छन् । आउँदो अगस्ट ३० (भाद्र १३) मा प्रदर्शन हुन लागेको फिल्म 'साहो' बाट उनले बलिउडमा पनि इन्ट्री गरेका छन् । उनको बलिउड डेब्यू पनि सानदार हुने अनुमान गरिएको छ ।
करीब डेढ दशकदेखि नेपाली फिल्ममा सक्रिय एक समयकी ‘नम्बर वान अभिनेत्री’ रेखा थापाले आज (भाद्र ५ गते बिहीबार) आफ्नो जन्मदिन मनाउँदै छिन् । पिता प्रेम थापा र माता सरस्वती थापाको कोखबाट मोरङमा जन्मिएकी उनी अभिनेत्रीसँगै निर्देशक, निर्माता, संगीतकार पनि हुन् । पूर्व पति तथा निर्माता छविराज ओझाको फिल्म ‘हिरो’ बाट अभिनय यात्राको थालनी गरेकी उनको पछिल्लो फिल्म ‘मालिका’ हो ।
निर्माता गोविन्द शाहीलाई काठमाडौं जिल्ला अदालतले अनुसन्धानका लागि भन्दै २ दिन हिरासतमा राख्न अनुमति दिएको छ । अभिनेता प्रदीप खड्का स्टारर फिल्म ‘लिलिबिली’ को हिसाब-किताब नदेखाएको भन्दै निर्माता तथा निर्देशक मिलन चाम्स र निर्माता सुदीप खड्काले गएको एक वर्ष अगाडि निर्माता शाहीविरुद्ध महानगरीय अपराध महाशाखा टेकुमा उजुरी दिएका थिए ।
