Nepal's No.1 Filmy Web Magazine
गत वर्षको फिल्म ‘रणवीर’ बाट डेब्यू गरेकी अभिनेत्री हुन्, सुपुष्पा भट्ट । यो फिल्मले बक्सअफिसमा घुँडा टेके पनि उनको अभिनय र सुन्दरता भने निकै रुचाइयो । फिल्म रिलिज अगाडिसम्म उनी अभिनेत्री शुवेक्क्षा खड्काको छाँयामा पर्ने अनुमान गरिएको थियो । तर, नतिजा भने अनुमान विपरित आयो । शुवेक्क्षाभन्दा भूमिका छोटो भए पनि तारिफ सुपुष्पाको भयो ।
अभिनेता विपिन कार्की फिल्म छनोटमा चुजी मानिन्छन् । उनलाई फिल्ममा साइन गराउन मेकरलाई ठूलो संघर्ष गर्नुपर्छ । स्क्रिप्ट र आफ्नो भूमिका राम्रो नलागेसम्म उनी फिल्ममा हात हाल्दैनन् । हरेक फिल्ममा भिन्न चरित्र र जुनसुकै भूमिकामा जीवन्त अभिनय गर्ने अभिनेताको पहिचान बनाएका उनलाई अझै पनि धेरैले असली नामभन्दा फिल्ममा निभाएको पात्रमार्फत चिन्ने गर्दछन् ।
अभिनेत्री दीपिका पादुकोणको बहुप्रतिक्षीत फिल्म ‘छपाक’ रिलिज अगावै कानुनी झमेलामा फस्ने देखिएको छ । लेखक राकेश भारतीले ‘छपाक’ लाई लिएर बम्बे हाई कोर्टमा मुद्धा दर्ता गरेका छन् । उनले यो फिल्मको कहानी आफूले लेखेको दाबी गरेका छन् । सबैभन्दा अगाडि यो फिल्मको स्क्रिप्टको बारेमा आफूले सोचेको र जसको नाम ‘काला दिन’ राखिएको उनी बताउँछन् ।
गएको चार वर्ष अगाडि प्रदर्शनमा आएको अभिनेता रमित ढुंगाना निर्मित तथा अभिनीत फिल्म ‘बुद्ध वर्न इन नेपाल’ को सोमबार विशेष शो आयोजना गरिएको छ । एसिड पीडित मुस्कान खातुनको सहयोगार्थ ‘लाइन्स क्लब अफ काठमाण्डौ’ ले काठमाडौंको बिग मुभिजमा आयोजना गरेको फिल्मको विशेष शोमा नेकपाका बरिष्ठ नेता माधव कुमार नेपाल उपस्थित थिए ।
नेपाली फिल्मका बाघ निर्माता छविराज ओझाले २०७३ साल असार २९ गते अभिनेत्री शिल्पा पोखरेललाई चौथो श्रीमतीको रुपमा घर भित्राएका थिए । अभिनेत्री रेखा थापासँग सम्बन्ध विच्छेद गरेको १० दिनमै छविले शिल्पासँग गुपचुप रुपमा विवाह गरेका थिए । तर, उनीहरुले लामो समय आफूहरु प्रेम सम्बन्धमा रहेको र चाँडै विवाह गर्ने भन्दै दर्शक र मिडियालाई मुर्गा बनाइरहे ।
