Nepal's No.1 Filmy Web Magazine

दीपेन्द्र लामा निर्देशित फिल्म ‘छ माया छपक्कै’ को पहिलो गीत सार्वजनिक भएको छ । ज्योतिषले दिएको समय अनुसार शुक्रबार बिहान ८ बजे यूट्युबमा सार्वजनिक गरिएको ‘जुनको जुनेली’ बोलको लोक शैलीको गीतमा फिल्मका प्रमुख कलाकारहरु दीपकराज गिरी, जितु नेपाल, केदार घिमिरे, केकी अधिकारी र सुपुष्पा भट्ट फिचर्ड छन् । गीतमा बसन्त थापा र मिना निरौलाको स्वर छ ।

काठमाडौं जिल्ला अदालतले फिल्म निर्माता तथा वितरक गोविन्द शाहीलाई थप एक हप्ता हिरासतमा राख्न अनुमति दिएको छ । यसअघि तीन पटक दुई/दुई दिन हिरासतमा राखेर अनुसन्धान गर्न अदालतले अनुमति दिएको थियो । बिहीबार भएको बहसको आधारमा निर्माता शाहीलाई अनुसन्धानको लागि थप एक हप्ता म्याद थपिएको निर्माता सुदीप खड्काले जानकारी दिए । 

बलिउडका 'सिंघम' अजय देवगन गाडीका सौखिन मानिन्छन् । उनीसँग कयौं महँगो र लग्जरी गाडी छ । तर, यसपटक उनले त्यो एसयूभी कार किनेका छन्, जुन भारतमा उनीभन्दा अगाडि मात्र अर्बपति मुकेश अम्बानी र टी-सीरीजका मालिक भूषण कुमारसँग छ । अजयले ६ करोड ९५ लाख भारुमा रोल्स रोयस कलिनन कार किनेका छन् । 

दीपकराज गिरी र दीपाश्री निरौलाको समुहले निर्माण गर्ने फिल्मको रिलिज टार्गेट दशैं हुने गरेको छ । ‘छक्का पञ्जा’ को तिनै सिरिजले दशैं विदामा जबरजस्त व्यापार गरेका कारण उनीहरुले अन्य मितिमा फिल्म प्रदर्शन गर्ने जोखिम उठाउन सकेका छैनन् । साम, दाम, दण्ड, भेद जे–जे गरेर हुन्छ फिल्म दशैंमै रिलिज गरेर छाड्छन्, दीपकराज । दीपक-दीपाको समुहलाई ‘छ’ नाम र दशैं निकै फापेको छ । 

अभिनेत्री सुरक्षा पन्त अभिनीत कुनै फिल्म अहिलेसम्म बक्सअफिसमा खरो रुपमा उत्रन सकेका छैनन् । तर, उनको अभिनयको भने सधैं चर्चा हुने गर्दछ । फरक भूमिकामा काम गर्न रुचाउने उनले विवाहित महिलादेखि लभर गर्लको भूमिकासम्म निभाइसकेकी छन् । उनी आफूलाई एकैखाले भूमिकामा सीमित राख्न चाहन्नन् । न त उनलाई हिरोको वरिपरि नाच्ने र रोमान्स गर्ने भूमिका नै गर्नु छ । 

अशिन पौडेलको डेब्यू निर्देशनमा बन्न लागेको फिल्म ‘आधा सुर’ को सुटिङ सुरु भएको छ । पारिवारिक कथानक यस फिल्मको बुधबार भद्रकाली मन्दिरमा मुहूर्त गर्दै छायांकन सुरु गरिएको हो । तीन युवाको गीतसंगीतप्रतिको मोह, संघर्ष र पारिवारिक स्थितिको कथा फिल्मले वाचन गर्नेछ ।