Nepal's No.1 Filmy Web Magazine

पर्दामा अभिनेत्री पूजा शर्माको जोडी अभिनेता द्वय पल शाह र आकाश श्रेष्ठसँग निकै रुचाइएको छ । पलभन्दा पनि आकाशसँग उनको जोडी धेरै रुचाएको पाइन्छ । त्यसैले पनि उनीहरु अहिले भकाभक फिल्म गरिरहेका छन् । दर्शकको चर्को मागका कारण यी दुईलाई लिएर फिल्म बनाउन चाहने निर्माताहरु धेरै छन् । हालै उनीहरुले फिल्म ‘सम्झना विर्सना’ को छायांकन सकाए । 

अर्को वर्षको बैशाख १२ गतेबाट प्रदर्शनमा आउन लागेको मुकुन्द भट्ट निर्देशित फिल्म ‘लप्पन छप्पन २’ को एक्सन प्याक्ड टिजर सार्वजनिक भएको छ । शुक्रवार दिउँसो सार्वजनिक भएको टिजरमा तीन सय मिलियन डलर हत्याउन पात्रहरुले गर्ने चलखेल देखाइएको छ । टिजरमा फिल्मको मेकिङ क्वालिटी निकै उच्च देखिन्छ । पुरुषोत्तम प्रधानको छायांकन उस्तै सानदार छ ।

अभिनेता विपिन कार्की स्टारर फिल्म ‘सेल्फी किङ’ आउँदो माघ २४ गतेबाट प्रदर्शन हुँदैछ । फिल्ममा उनले हास्यकलाकारको भूमिका निभाएका छन् । विशाल सापकोटाको डेब्यू निर्देशन रहेको फिल्मको बुधवार सार्वजनिक भएको ट्रेलरलाई फिल्मकर्मीबाट सकारात्मक प्रतिक्रिया मिले पनि दर्शकहरुले भने हलिउड फिल्म ‘जोकर’ को नेपाली भर्सन भन्दै टिप्पणी गरेका छन् । 

१० जनवरी १९७४ मा जन्मिएका बलिउड सुपरस्टार ऋतिक रोशन शुक्रवारबाट ४६ वर्षका भएका छन् । उनले ६ वर्षको उमेरदेखि आफ्नो अभिनय करिअर सुरुवात गरेका थिए । जसमा उनले स्वर्गीय अभिनेत्री श्रीदेवी र साउथका सुपरस्टार रजनीकान्तको छोराको भूमिका निभाएका थिए । अहिले उनी आफ्नो अभिनय र नृत्यको दमले बलिउडका ठूला स्टार भएका छन् । 

करीब १८ वर्षसम्म प्रशारण भएको चर्चित हास्यटेलिसिरियल ‘हिजो आजका कुरा’ नाम सापटी लिएर निर्माण भैरहेको फिल्मको एक गीतमा नेपाली फिल्मका चर्चित अनुहारहरुलाई नृत्य गर्दै देख्न पाइने भएको छ । रामकृष्ण ढकाल र मेलिना राइको स्वर रहेको ‘ए जदौ माया जदौ’ गीतमा दर्जन बढी कलाकारहरु नाचेका छन् । गीतमा दिपक शर्माको संगीत र आनन्द अधिकारीको शब्द छ ।

सन् २०१४ मा गोपीकृष्ण मुभिजले सन् २०१५ भित्र सात फिल्म निर्माण गर्ने घोषणा गरेको थियो । जस अन्तर्गत ‘होमवर्क’, ‘रोज’, ‘पर्व’ र ‘ठमेल डटकम’ निर्माण र प्रदर्शन भैसकेका छन् । तर, यी कुनै फिल्म सफल नहुँदा गोपीकृष्ण मुभिजले सन् २०१५ भित्र सात फिल्म निर्माण गर्ने लक्ष्य पूरा गर्न सकेन । अब भने गोपीकृष्ण मुभिज बाँकी रहेका तीन फिल्म निर्माण गर्न कस्सिएको छ ।