Nepal's No.1 Filmy Web Magazine
गत वर्ष प्रदर्शनमा आएको व्यवसायिक र समीक्षात्मक दुबै रुपमा सफल फिल्म ‘प्रसाद’ को टिमसँग भर्सटायल अभिनेता विपिन कार्कीको दोस्रो पटक टिमअप भएको छ । उनको प्रमुख भूमिका रहने ‘सेल्फी किङ’ नामक फिल्मलाई ‘प्रसाद’ का निर्देशक दिनेश राउत र निर्माता सुवास थापाले मिलेर निर्माण गर्दैछन् । विशाल सापकोटाले फिल्मको निर्देशन गर्नेछन् । यो उनको डेब्यू फिल्म हो ।
अभिनेता शुशील श्रेष्ठ स्टारर फिल्म ‘लभ डायरिज’ को रिलिज डेट पोस्टपोन्ड भएको छ । असोज ३ मा आउने निश्चित भएको यो फिल्म अब आउँदो कात्तिक १५ अर्थात् छठ पर्वको छेकोमा प्रदर्शन हुने भएको छ । पूर्वघोषित मितिमा मल्टीस्टारर फिल्म ‘कबड्डी कबड्डी कबड्डी’ आउने भएपछि भिड्न्त छल्न यो फिल्मको प्रदर्शन मिति करीब एक महिना पछाडि सारिएको हो ।
कात्तिक ८ गतेबाट देशव्यापी प्रदर्शनमा आउन लागेको मल्टीस्टारर फिल्म ‘पोइ पर्यो काले’ को शिर्ष गीत सार्वजनिक भएको छ । आइतबार राजधानीमा एक कार्यक्रमका बीच सार्वजनिक गरिएको गीतमा फिल्मका प्रमुख कलाकारहरु सौगात मल्ल, पूजा शर्मा, श्रृष्टि श्रेष्ठ, आकाश खड्का, सुरक्षा पन्त र सोहित मानन्धर फिचर्ड छन् । रामजी लामिछाने गीतका कोरियोग्राफर हुन् ।
बलिउडका सुपरस्टार सलमान खान र निर्देशक निर्देशक अली अब्बाज जफरको बोन्डिङ कसैसँग लुकेको छैन । दुई निकै मिल्ने मित्र हुन् । यी अभिनेता र निर्देशकको जोडीले 'टाइगर जिन्दा हे', 'सुल्तान' र 'भारत' जस्तो ब्लकबस्टर फिल्म बक्सअफिसमा दिएका छन् । अब सलमानका यी ‘सुपरहिट निर्देशक’ को नजर अभिनेता शाहरुख खानमाथि परेको छ ।
अहिलेका चल्तीका अभिनेता प्रदीप खड्का अभिनीत पछिल्ला कुनै फिल्म बक्सअफिसमा सफल छैनन् । ‘प्रेमगीत’ कै ब्याज खाइरहेका उनको ‘लिलिबिली’, ‘रोज’ र ‘लभ स्टेशन’ ले व्यबसायिक सफलता हात पार्न चुके । तर, फिल्म असफल भए पनि प्रदीप भने राम्रै चलेका छन् । न उनको डिमान्डमा कुनै कमी आएको न त पारिश्रमिक नै घट्दो छ । उनलाई फिल्ममा लिन अहिले निर्माताबीच हानाथाप हुने गरेको छ ।
