Nepal's No.1 Filmy Web Magazine
यस वर्ष ‘जात्रै जात्रा’ र ‘कबड्डी कबड्डी कबड्डी’ गरि चार महिनाको अन्तरमा दुई ब्लकबस्टर फिल्म दिएपछि अभिनेता दयाहाङ राईको स्टारडम पुनः उत्कर्षमा पुगेको छ । एकपछि अर्को फ्लप फिल्मले थलिएका उनलाई यी दुई फिल्मको सफलताले ठूलो राहत दिएको छ । अहिले उनको फेरि नेपाली फिल्ममा माग चुलिएको छ । उनलाई फिल्ममा लिन निर्माताबीच हानाथाप हुन थालेको छ ।
अभिनेता सौगात मल्ल अभिनीत फिल्म ‘माछा माछा’ को रिलिज डेट पोस्टपोन्ड भएको छ । यही कात्तिक २९ गतेलाई प्रदर्शन मिति घोषणा गरिएको यो फिल्म अब आउँदो मंसिर २० गतेबाट प्रदर्शनमा आउने भएको छ । फिल्मले घोषित मितिबाट हात झिक्नुको कारण हेमराज विसी निर्देशित फिल्म ‘घामड शेरे’ लाई मानिएको छ ।
अभिनेता भुवन केसीको कमब्याक फिल्म ‘मिस्टर नेपाली’ नेपालअघि अमेरिकामा प्रिमियर हुने भएको छ । कात्तिक २९ गतेबाट नेपालभर प्रदर्शन हुन लागेको यो फिल्मको नोभेम्बर १० र १२ मा अमेरिकामा प्रिमियर हुने निर्माता प्रेमराज दाहालले जानकारी दिए । हस्टन टेक्सासमा रहेको २९४९ डनभेल रोडमा फिल्मको प्रिमियर हुन लागेको हो ।
अभिनेता शाहरुख खानले पछिल्लो रिलिज फिल्म ‘जीरो’ पछि नयाँ फिल्म साइन गरेका छैनन् । यसकारण उनी अहिले फुर्सदिलो जीवन विताइरहेका छन् । र, उनलाई विभिन्न कार्यक्रमबाट निमन्त्रणाको ओहिरो आउने गरेको छ । हालै दिल्ली स्थित पीवीआर अनुपम पुगेका शाहरुखले अरु सबै कलाकार व्यस्त भएका कारण आफू आएको बताए ।
नेपालमा महिला केन्द्रित फिल्म निकै कम बन्दछन् । बने पनि हलमा दर्शक तानेका फिल्मको संख्या अत्यन्त न्यून छ । यसकारण पनि मेकरहरु महिला केन्द्रित फिल्म बनाउने जोखिम उठाउन हत्तपत्त आँट गर्दैनन् । तर, वर्षमा भाट्ट-भुट्ट अभिनेत्रीलाई केन्द्रिय भूमिकामा प्रस्तुत गरेर फिल्म निर्माण हुने गरेका छन् । यस वर्ष फिल्म ‘जाइरा’ प्रदर्शन भएको थियो, जुन महिला केन्द्रित थियो ।
दिपावलीको अवसरमा प्रदर्शनमा आएको मल्टीस्टारर फिल्म ‘पोइ पर्यो काले’ ले एक हप्तामा सानदार व्यापार गरेको वितरकले दाबी गरेका छन् । काठमाडौं उपत्यकाभित्रका वितरक करण श्रेष्ठ ‘क्रेजी’ ले फिल्मले एक हप्तामा काठमाडौंभित्र १ करोड ९५ लाखको व्यापार गरेको बताएका छन् । त्यस्तै, उपत्यका बाहिरका वितरक रोहित कट्टेलले फिल्मको एक हप्ते कमाई १ करोड १० लाख रहेको दाबी गरेका छन् ।
