Nepal's No.1 Filmy Web Magazine

नेपालीहरुको महान पर्व दशैंमा फिल्म प्रदर्शन गर्न नेपाली निर्माताबीच ठूलो रस्साकस्सी हुने गरेको छ । फिल्मको लगानी उठाउन दशैं विदा सबैभन्दा बढी उपयुक्त हुने भएकाले निर्माताहरु वर्ष दिन अगाडि नै दशैंका लागि फिल्मको प्रदर्शन मिति घोषणा गर्न हानाथाप गरिरहेका हुन्छन् । हरेक वर्षझैँ अर्को वर्ष (२०७७) को दशैंमा पनि नेपाली फिल्मबीच ठूलो भिडन्त हुने देखिएको छ ।

अभिनेत्री करीना कपूर खान बलिउडमा प्रवेश गरेको २० वर्ष भैसकेको छ । यो बीचमा उनले एकसेएक उम्दा फिल्म दिइसकेकी छन् । सन् २००० मा फिल्म ‘रिफ्यूजी’ बाट बलिउडमा डेब्यू गरेकी उनको करिअर अहिले सफलताको उत्कर्षमा छ । २० वर्ष लामो फिल्म करिअरमा उनले कुनै फिल्मका लागि अडिसन दिएकी थिइनन् । उनलाई आफैं फिल्मको अफर मिल्दै गयो । 

नेपाली नयाँ वर्ष फिल्म प्रदर्शनका लागि उपयुक्त समय मानिन्छ । त्यसैले नयाँ वर्षमा फिल्म प्रदर्शन गर्न निर्माताबीच ठूलो हानाथाप हुन्छ । गत वर्षको नयाँ वर्षमा ‘ए मेरो हजुर ३’ र ‘यात्रा’ प्रदर्शनमा आएका थिए । यस वर्षको अन्तिममा दुई हिट फिल्मको तेस्रो सिरिज एकसाथ प्रदर्शनमा आउँदैछन् । ‘प्रेमगीत ३’ र ‘चपली हाइट ३’ बीच आउँदो चैत २८ गते बक्सअफिसमा भिडन्त हुँदैछ ।

एक समय नेपाली फिल्ममा राम्रो दबदबा कायम गरेका कलाकारहरु अहिले अधिकांश विदेश पलायन भैसकेका छन् । नेपाली फिल्ममा नयाँ पुस्ताको आगमन बढेसँगै उनीहरु सुरक्षित भविष्य खोज्दै विदेशिएका हुन् । यद्यपि, एकाध कलाकारहरु भने अझै फिल्ममै सक्रिय छन् । तर, विदेश पलायन भएका कलाकारहरु पुनः नेपाली फिल्ममा फर्किएको निकै कम उदाहरण छन् ।

गएको दशैंमा आफू गर्भवति भएको भन्दै शुभचिन्तकमाझ खुसी साटेकी अभिनेत्री विनिता बरालले क्रिसमस डेको अघिल्लो दिन (मंगलबार) छोरीलाई जन्म दिएकी छन् । बुधबार साँझ सामाजिक सञ्जाल फेसबुकमार्फत उनले आफू छोरीको आमा भएको जानकारी दिएकी हुन् । छोरीसँगको फोटो साझेदार गर्दै उनले ‘सबैभन्दा राम्रो क्रिसमस उपहार’ भन्दै खुसी व्यक्त गरेकी छन् ।