‘इभिल डेड २’ फिल्मका अभिनेता ड्यानी हिक्सले आफूलाई क्यान्सर भएको खुलासा गरेका छन् । उनले क्यान्सर चौथो स्टेजमा पुगिसकेको र आफूसँग मात्र एकदेखि तीन वर्षको जीवन रहेको बताएका छन् । ६८ वर्षका यी अभिनेताले आफ्नो फेसबुक पेजमा एक पोस्ट साझेदार गर्दै यो कुराको जानकारी दिएका हुन् ।
उनले लेखेका छन्, ‘ती सबै मानिसहररुका लागि जसलाई मैले कहिल्यै भेटिनँ र मेरो काममा आनन्द लिने प्रशंसकहरु । मैले केही नराम्रो समाचार पाएको छु । मलाई चौथो चरणको क्यान्सर पत्ता लागेको छ । मसँग अब बाँच्नका लागि एक वा तीन वर्षको समय छ ।’
उनले अगाडि थप्दै लेखेका छन्, ‘मेरो पोष्टमा कुनै परिवर्तन आएको छैन । म धेरै पछुताउँदिनँ । ठिक छ म जान्छु । मलाई थाहा छ कि नर्कको त्यो गुफामा के हुँदैछ ।’ हिक्सले क्यान्सरको बारेमा बताएपछि उनका प्रशंसकहरुले विभिन्न खाले प्रतिक्रिया जनाएका छन् । कतिले उनलाई हौसला दिएका छन् भने कतिले अभिनयको प्रशंसा गरेका छन् ।
हिक्सले हरर फिल्म ‘इभिल डेड २’ मा महत्त्वपूर्ण भूमिका निर्वाहा गरेका थिए । यसमा निर्वाहा गरेको भूमिकाले उनलाई एक अलग पहिचान दिलाएको थियो । उनले ‘स्पाइडर म्यान २’, ‘ओज द ग्रेट एण्ड पावरफुल’, ‘डार्कम्यान’ लगायत एक दर्जन बढी फिल्ममा काम गरिसकेका छन् ।
