Nepal's No.1 Filmy Web Magazine

नेपालीमा एउटा उखान छ, ‘पशुपतिको जात्रा सिद्राको व्यापार ।’ केही दिनयता अभिनेता विराज भट्टको दौडधुप हेर्ने हो भने यो उखान पूर्णरूपले चरितार्थ हुन्छ । उनले निर्देशनमा डेब्यू गरेको फिल्म ‘साङ्लो’ यही माघ २४ गतेबाट देशव्यापी प्रदर्शनमा आउँदैछ । ४ वर्षपछि नेपाली फिल्ममा कमब्याक गरेका कारण यो फिल्मको दर्शकहरुले व्यग्रतापूर्वक प्रतिक्षा गरिरहेका छन् ।

बक्सअफिसमा अहिले अभिनेता अजय देवगनको फिल्म ‘तानाजी : द अनसंग वारियर’ ले धूम मच्चाइरहेको छ । प्रदर्शनको ६ दिनमा सय करोड कमाई गरेको फिल्मलाई दर्शकहरुले निकै रुचाएका छन् । योसँगै एकसाथ प्रदर्शनमा आएको अभिनेत्री दीपिका पादुकोणको फिल्म ‘छपाक’ भने बक्सअफिसमा नराम्रोसँग पिटिएको छ । ओपनिङ डेदेखि फिल्मको हालत खराब छ ।

कुन गीत हिट र कुन फ्लप खुट्टयाउन युट्युब गतिलो माध्यम बनेको छ । युट्युब रिलिजको छोटो समयमै लाखौं भ्यूअर्स बटुलेको खण्डमा गीतलाई हिट मानिने चलन छ । अर्थात्, भ्यूजको आधारमा गीतको असफलता र असफलता मापन गरिन्छ । केही वर्ष अगाडिसम्म युट्युबमा कुनै गीतलाई एक लाख पटक हेरियो भने हिट मानिन्थ्यो । अचेल करोड भ्यूज पनि सामान्य मानिन्छ ।

विवाह हुने निश्चित भएपछि आफ्ना घनिष्ट साथीका निम्ति सहपाठीहरूले ब्याचलर पार्टी आयोजना गर्दछन् । किनभने, बिहे भएपछि साथीभाइसँग संगत र भेटघाट पातलिनेछ । साथीहरू क्रमशः मस्तिष्कबाट विस्मृत हुँदै जानेछन् । त्यसैले युवावयमा नङ र मासुजस्तै जोडिएका उनीहरू आफ्नो सम्बन्धको एउटा अध्याय पूरा भएको संकेतस्वरूप ‘ब्याचलर पार्टी’ मनाउने गर्दछन् । 

अहिलेका चल्तीका अभिनेता पुष्प खड्काले आफ्नो जन्मथलो कैलालीमा रहेको ‘सहारा घर’ लाई व्यक्तिगत रुपमा सहयोग गरेका छन् । बर्दगोरिया माघी मेलामा सहभागी हुन जाने क्रममा उनले अनाथ र असहाय व्यक्तिहरुलाई आश्रय दिँदै आएको ‘सहारा घर’ लाई ५० हजार नगद र केही खाद्यन्न सहयोग गरेका हुन् । अनाथ र असहायलाई सहयोग गर्न पाउँदा उनी खुसी देखिए ।

इम्तियाज अलीको निर्देशनमा बनेको लभस्टोरी जनरामा निर्मित फिल्म ‘लभ आज कल’ को ट्रेलर सार्वजनिक भएको छ । चकलेटी ब्वाई कार्तिक आर्यन र अभिनेत्री सारा अली खानको रोमान्टिक केमेस्ट्री देखाइएको यो फिल्म यस वर्षको भ्यालेन्टाइन डे अर्थात् १४ फेब्रअरीमा प्रदर्शन हुँदैछ । फिल्मको ट्रेलर सानदार छ । कात्तिक र साराको केमेस्ट्री गजब देखिएको छ ।