Nepal's No.1 Filmy Web Magazine

‘झलिको’, ‘बस्यौ लगक्कै’, ‘दुःख साटम्ला’ जस्ता चर्चित गीतका गायक अर्जुन सापकोटाले फिल्म ‘ककाकिकी’बाट पार्श्व गायनमा डेब्यू गरेका छन् । उनले फिल्मका लागि शीर्ष गीत गाएका हुन् । गीतमा अर्जुन स्वयंको संगीत तथा हुकलाइन रहेको छ भने गायनमा उनलाई मेलिना राईले साथ दिएकी छन् । गीतका शब्द सन्तोष सापकोटाले लेखेका हुन् । 

बिहीबार काठमाडौंको बाँसबारीस्थित रामालय इभेन्ट्समा अभिनेता प्रदीप खड्का र अभिनेत्री सनिशा भट्टराईले औँठी साटासाट गर्दै इन्गेजमेन्ट गरे । तर, उनीहरूको इन्गेजमेन्ट वास्तविक भने थिएन । नयाँ फिल्म ‘शुभ विवाह’को घोषणा कार्यक्रमलाई रोचक बनाउन निर्माण टिमले फरक शैली अपनाएको थियो, जुन कार्यक्रमको मुख्य आकर्षण रह्यो ।

करिब ५ वर्षअघि अभिनेत्री पूजा शर्माले गरेको एउटा घोषणाले उनका प्रशंसकलाई समेत निराश तुल्यायो । उनले आफूले निर्माण तथा अभिनय गरेको फिल्म ‘रामकहानी’को गीत सार्वजनिक कार्यक्रममा विवाहपछि फिल्ममा काम नगर्ने उद्घोष गरेकी थिइन् । अबको २–३ वर्षपछि विवाह गर्ने र त्यसपछि सुशील बुहारी भएर बस्ने उनको भनाइ थियो । 

‘द ब्लू लाइट’का निर्देशक बलिराम चौहानको निर्देशनमा बन्न लागेको नयाँ फिल्म ‘ल्याङ्ग ल्याङ्ग’को मुख्य अभिनेत्रीमा गुराँस ढकाल अनुबन्धित भएकी छन् । उनीसँग निर्देशक चौहानले बुधबार लिखित सम्झौता गरेका हुन् । फिल्ममा उनको जोडी अभिनेता रिहान गिरीसँग बाँधिने जनाइएको छ । अभिनयको हिसाबले गराँसको यो दोस्रो फिल्म हुनेछ ।

साउन १ गतेबाट प्रदर्शनमा आएको फिल्म ‘गौँथली’ले बक्स अफिसमा रेकर्डको चाङ बनाइरहेको छ । चौथो हप्तासम्म ‘छक्का पञ्जा’का श्रृंखलादेखि ‘जेरी अन टप’, ‘जारी’, ‘परान’, र ‘१२ गाउँ’ जस्ता फिल्मलाई कमाइमा पछि पारिसकेको फिल्मले अब अर्को ठूलो उपलब्धि हासिल गरेको छ । फिल्मले ‘कबड्डी ४’को २१ करोड ४० लाखको रेकर्ड तोड्न सफल भएको छ ।

‘चोपेन्द्र’को रूपमा परिचित अभिनेता मुकुन भुसालले फिल्म ‘लज्जावती’ नेपालीपन बोकेको प्रेमकथा रहेको बताएका छन् । मंगलबार काठमाडौंमा आयोजित पत्रकार भेटघाटमा उनले नेपाली समाजकै प्रेमकथामा फिल्म आधारित भएकाले दर्शकलाई आफ्नो जीवनसँग मेल खाएको महसुस हुन सक्ने बताए । उनले यो आफ्नो पहिलो लभस्टोरी फिल्म रहेको समेत दाबी गरे ।