Nepal's No.1 Filmy Web Magazine
गएको फागुनमा प्रदर्शनमा आएको अभिनेता अनमोल केसी स्टारर फिल्म ‘क्याप्टेन’ बाट अभिनेत्री उपासना सिंह ठकुरीले राम्रो सम्भावना देखाएकी थिइन् । उनको स्वभाविक अभिनय र सुन्दरताको चौतर्फी प्रशंसा भएको थियो । अनमोल र उनको केमेस्ट्रीलाई पनि दर्शकले निकै रुचाएका थिए । यद्यपि, फिल्मले बक्सअफिसमा खासै कमाल देखाउन सकेन । ‘क्याप्टेन’ को ‘रहर छ सँगै’ बोलको गीतबाटै उनी दर्शक र फिल्मकर्मीको नजरमा परेकी थिइन् ।
अभिनेता शुशील श्रेष्ठ स्टारर फिल्म ‘लभ डायरिज’ को प्रदर्शन मितिसँगै फस्टलुक पोस्टर सार्वजनिक भएको छ । आउँदो असोज ३ गतेलाई प्रदर्शन मिति घोषणा गर्दै सार्वजनिक गरिएको दुई पोस्टरमा नव-अभिनेत्री रुविना थापासँग अभिनेता शुशील रोमान्टिक अवतारमा देखिएका छन् । एक पोस्टरमा उनले आफ्नो सिक्स प्याक शरीर पनि देखाएका छन् ।
अन्ततः ‘कबड्डी’ को तेस्रो सिरिजका लागि कलाकारको लाइनअप पूरा भएको छ । लामो समयदेखि फिल्ममा अभिनेता प्रदीप खड्काको प्रवेश हुने चर्चा थियो । आफूलाई ‘स्टार’ बनाएको ‘प्रेमगीत’ को तेस्रो सिरिजमा व्यस्त हुने भएपछि उनले ‘कबड्डी कबड्डी कबड्डी’ बाट हात झिकेका छन् । उनको ठाउँमा अभिनेता कर्मा भित्रिएका छन् । अभिनेता दयाहाङ राई यथावत छन् ।
अहिलेका जल्दाबल्दा अभिनेता अनमोल केसीको डेब्यू फिल्म हो- ‘होस्टेल’ । उनीसँगै सलोन बस्नेत र गौरव पहारीले पनि यही फिल्मबाट डेब्यू गरेका थिए । फिल्म बक्सअफिसमा हिट साबित भएको थियो । यो फिल्म सफल हुनुको कारण अनमोललाई मान्ने गरिन्छ । तर, दोस्रो सिरिजमा उनी दोहोरिएनन् । उनलाई शुशील श्रेष्ठले रिप्लेस गरे ।
आउँदो जेठ ३ गतेबाट देशभर प्रदर्शनमा आउन लागेको फिल्म ‘बीर विक्रम २’ को प्रचार-प्रचारमा व्यस्त अभिनेत्री वर्षा सिवाकोटीले लगनखेलमा सञ्चालनमा आएको 'मायाज् ब्युटी पार्लर एण्ड ट्रेनिङ सेन्टर' को नयाँ शाखाको उद्घाटन गरेकी छन् । एक दशकदेखि सौन्दर्य व्यवसायमा आबद्ध गीता गिरिले यस ब्युटी पार्लर सञ्चालनमा ल्याएकी हुन् ।
गत वर्ष प्रदर्शनमा आएको फिल्म 'जीरो' बक्सअफिसमा पत्तासाफ भएपछि अभिनेता शाहरुख खानले कुनै नयाँ फिल्म साइन गरेका छैनन् । अब उनी केही समय ब्रेक लिने सोचमा छन् । यसबीच, उनको नयाँ फिल्म ‘सत्ते पे सत्ता’ को रिमेक हुनसक्ने चर्चा छ । उनको अपोजिटमा फेरि एकपटक कटरीना कैफ देखिन सक्नेछिन् ।
