Nepal's No.1 Filmy Web Magazine
दुई वर्ष अगाडि प्रदर्शनमा आएको फिल्म ‘छक्का पञ्जा २’ मा प्रमुख भूमिकामा अभिनय गरेका अभिनेता स्वरुपपुरुष ढकालले टिकाटालो गरेका छन् । सोमवार उनले मुस्कान सुवेदीसँग औंठी साटेका हुन् । इन्गेजमेन्ट समारोहमा दुबै पक्षका परिवारको उपस्थिति थियो । विवाहको मिति बैशाख २९ गतेलाई तोकिएको छ । दुईबीच मागी विवाह हुन लागेको हो ।
शुक्रवारबाट देशभर प्रदर्शनमा आएको युवा स्टार सलिनमान बनिया अभिनीत फिल्म ‘यात्रा’ ले प्रदर्शनको तीन दिनमा घरेलु बक्सअफिसमा राम्रो पैसा छाप्न सफल भएको छ । एकसाथ प्रदर्शनमा आएको अभिनेता अनमोल केसी अभिनीत फिल्म 'ए मेरो हजुर ३' ले व्यापारमा ठूलो असर गरेता पनि फिल्मले तीन दिनमा डेढ करोडमाथि व्यापार गरेको निर्माता तथा वितरक शुशील पोखरेलले जानकारी दिएका छन् ।
यस वर्षको बहुप्रतिक्षीत फिल्म मध्येको एक ‘भारत’ को अफिसियल पोस्टर सार्वजनिक भएको छ । पोस्टरमा अभिनेता सलमान खान फिचर्ड छन् । उनलाई बिल्कुलै नयाँ लुक्समा देख्न सकिन्छ । उनी एक वृद्ध पुरुषको गेटअपमा प्रस्तुत छन् । पोस्टरबाट अनुमान लगाउन सकिन्न कि, यो मेकअपको कमाल हो । किनकि, उनको लुक्स र मेकअप निकै रियल देखिएको छ ।
