Nepal's No.1 Filmy Web Magazine
जस्तोसुकै भूमिकामा पनि सशक्त अभिनय गर्ने क्षमता राख्ने अभिनेता नाजिर हुसेन र अभिनेत्री वर्षा सिवाकोटीलाई जेठ ३ गतेबाट प्रदर्शनमा आउन लागेको फिल्म ‘वीरविक्रम २’ माथि धेरै ठूलो आशा छ । निदाउन लागेको फिल्म करिअरलाई यस फिल्मले ब्यूँझाउने उनीहरुको विश्वास छ । मिलन चाम्स निर्देशित यस फिल्ममा अभिनेता पल शाह पनि प्रमुख भूमिकामा छन् । यस फिल्मको गीतसंगीतले अहिले राम्रो हाइप बनाइरहेको छ ।
बलिउड सुपरस्टार शाहरुख खान चीनमा आयोजित नवौं 'बीजिङ इन्टरनेशनल फिल्म फेस्टिवल' मा पुगेका छन् । उनले त्यहाँ आफूनो पछिल्लो फिल्म ‘जीरो’ को असफलताबारे पनि मुख खोलेका छन् । उनले फिल्म असफल हुनुको कारण आफूले सही कहानी छनोटमा चुकेको हुनसक्ने बताएका छन् ।
करीब ६ महिनापछि नेपाली फिल्म क्षेत्रमा गजबको चहलपहल बढेको छ । ठूलो आशा गरिएका फिल्महरु नै लगाताार असफल हुन थालेपछि न नयाँ फिल्म घोषणा हुन सकेका थिए न त कुनै फिल्म फ्लोरमै गएका थिए । नेपाली फिल्म क्षेत्र नै घरासायी हुने अवस्थामा पुगेको थियो । चैत २९ का दुई फिल्म ‘ए मेरो हजुर ३’ र ‘यात्रा’ भने नेपाली फिल्म क्षेत्रका लागि सञ्जीवनी बुटी बनेर आएका छन् । दुई फिल्मले हराएको भनिएको नेपाली फिल्मका दर्शकलाई हल फर्काएको छ ।
खबरअनुसार, ऋचा र दिपेक्ष्य दशैंभन्दा अगाडि नै बैबाहिक जीवनमा बाँधिनेछन् । अहिले दुबै पक्षका परिवार विवाहका लागि उपयुक्त समय निकाल्न व्यस्त रहेको बताइएको छ । ऋचाले लामो समयदेखि आफूलाई परिवारबाट विवाहका लागि प्रेसर आइरहेको र आफू पनि अब तयार रहेको बताउँदै आएकी थिइन् । अन्ततः यस वर्ष उनले पनि घरजम गर्ने पक्का भएको छ ।
गत शुक्रवारबाट प्रदर्शनमा आएको फिल्म ‘यात्रा’ को रोमान्टिक गीत सार्वजनिक भएको छ । फिल्म प्रदर्शनको एक हप्ता पूरा हुँदै गर्दा सार्वजनिक भएको ‘फ्लाइङ्ग’ बोलको गीतमा अभिनेता सलिनमान बनिया र डेब्यू गर्ल मलिका महतलाई पोखराको रमणीय स्थानहरुमा रोमान्टिक अवतारमा देख्न सकिन्छ । यसमा प्रविन सिंहको कोरियोग्राफी छ ।
एकै मितिमा एकभन्दा बढी फिल्म प्रदर्शनमा आउनु अब नौलो रहेन । तर, बेला-बखतमा गिनेचुनेका ब्यानर र चलेका कलाकार अभिनीत फिल्म एकसाथ प्रदर्शनमा आउँदा सिनेवृतमा ठूलै हलचल मच्चिन्छ । गत वर्ष 'रोज' र 'रामकहानी', 'क्याप्टेन' र 'द ब्रेकअप', 'ए मेरो हजुर ३' र 'यात्रा' को भिडन्तले ठूलै चर्चा पाए । यस वर्ष पनि ठूला फिल्म जुध्ने अवस्थाको अन्त्य हुने देखिएको छैन । आउँदो जेठ ३ मा 'वीरविक्रम २' र 'जात्रै जात्रा' बीच हेविभेट भिडन्त हुँदैन ।
