Nepal's No.1 Filmy Web Magazine
अन्ततः प्रतिक्षाको घडी सकिएको छ । शुक्रबारबाट देशभरका मल्टीप्लेक्स र सिंगल थिएटर सबैतिर फिल्म ‘सानो मन’ प्रदर्शनमा आएको छ । रिलिजपूर्व राम्रो हाइप बनाएको फिल्मले बक्सअफिसमा राम्रो व्यापार गर्ने अनुमान गरिएको छ । म्यूजिकल लभस्टोरी कथामा बनेको फिल्ममा अभिनेता आयुष्मान देशराज जोशी र अभिनेत्री शिल्पा मास्के केन्द्रिय भूमिकामा छन् । फिल्मको मूल कथा नै दुईको वरिपरि घुमेको छ ।
बिजनेस म्यागजिन 'फोर्ब्स' ले दुनियाँभरमा एक वर्षमा सबैभन्दा धेरै कमाई गर्ने सेलिब्रेटीको सूची सार्वजनिक गरेको छ । यसमा भारतबाट बलिउड अभिनेता अक्षय कुमार मात्र परेका छन् । यसपटक यो लिस्टबाट अभिनेता सलमान खान बाहिरिएका छन् । यसअघि सबैभन्दा धेरै कमाउने सेलिब्रेटीको सूचीमा बलिउडबाट सलमान खान, अमिताभ बच्चन, शाहरुख खान र अक्षय कुमार पर्ने परेका थिए ।
आफ्नो होम प्रोडक्सनको ब्यानरमा बनेका पछिल्ला फिल्मको आफैंले क्याप्टेनसिप सम्हाल्दै आएकी एक समयकी ‘नम्बर वान’ अभिनेत्री रेखा थापाले रेखा फिल्मस्को छैटौं फिल्ममा निर्देशक तथा कोरियोग्राफर रेनशा वान्तवा राई राणालाई अनुबन्ध गरेकी छन् । शुक्रबार परेको रेनशाको जन्मदिनमा रेखाले आफ्नो नयाँ फिल्ममा उनलाई निर्देशकको रुपमा भित्राएकी हुन् ।
गएको जेठमा प्रदर्शनमा आएको फिल्म ‘जात्रै जात्रा’ पछि कुनै नेपाली फिल्मले बक्सअफिसमा अपेक्षाकृत व्यापार गर्न सकेका छैनन् । हलिउड फिल्म 'स्पाइडर म्यान' र गएको तीन हप्तादेखि बलिउड अभिनेता शाहिद कपूर स्टारर फिल्म 'कबीर सिंह' ले नेपालका मल्टीप्लेक्स कब्जा गरेका छन् । तर, हरेक हप्ताको शुक्रबार प्रदर्शनमा आउने नेपाली फिल्मले भने हलमा दर्शक तान्न सकेका छैनन् ।
नेपालकी प्रथम नायिका भुवन चन्द थापाले पहिलो पटक निर्माण गरेको फिल्म ‘साइनो’ को अफिसियल ट्रेलर सार्वजनिक भएको छ । बिहीबार राजधानीमा एक कार्यक्रमका बीच सार्वजनिक गरिएको ट्रेलरमार्फत् फिल्मको मूल कथा प्रस्ट्याउन खोजिएको छ । फिल्मले त्रिकोणात्मक प्रेमकथा वाचन गर्ने ट्रेलरबाट अनुमान काट्न गाह्रो पर्दैन ।
अभिनेत्री शिल्पा पोखरेल र फिल्म निर्माता छविराज ओझाबीच सहमति भएको छ । गएको चार दिन अगाडि अभिनेत्री शिल्पाले श्रीमान् ओझाविरुद्ध महानगरीय प्रहरी परिसर काठमाडौं, टेकुमा आफ्नो शान्ति सुरक्षाको माग गर्दै उजुरी दिएकी थिइन् । बिहीबार प्रहरी परिसरले दुबैलाई बोलाएर अब झगडा नगर्ने गरि सहमति पत्रमा हस्ताक्षर गराएको छ । दुईलाई बुधबार बोलाइएको भए पनि छविराज विरामी हुँदा छलफल हुन सकेको थिएन ।
