Nepal's No.1 Filmy Web Magazine

मनसुन क्रमिकरुपमा निस्क्रिय भइरहेको अवस्थामा फिल्मको घोषणा धमाधम भइरहेका छन् । यसबीच, आइतबार राजधानीमा एक कार्यक्रमका बीच मिलन डि. काप्रीको निर्देशनमा बन्न लागेको फिल्म ‘षट्कोण’ को औपचारिक निर्माण घोषणा गरिएको छ । भदौ १८ गतेबाट फ्लोरमा जाने फिल्म मनोवैज्ञानिक रहस्यमा आधारित हुने बताइएको छ । 

एक्सन अभिनेताको रुपमा आफ्नो परिचय बनाएका विराज भट्टले निर्माण र निर्देशनमा डेब्यू गरेको एक्सन-लभस्टोरी जनरामा निर्मित फिल्म ‘साङ्लो’ को प्रदर्शन मिति घोषणा भएको छ । फिल्मलाई वितरक कम्पनी काफिया फिल्मस् र एफडीले छठको अघिल्लो दिन अर्थात् कात्तिक १५ गतेको डेट दिएको छ । विराज उक्त मितिमा फिल्म प्रदर्शन गर्न राजी भएका छन् । प्रदर्शन मितिसहित चाँडै फिल्मको पोस्टर फ्याकिँदैछ । 

भर्सटायल अभिनेता विपिन कार्कीले गत वर्षको हिट फिल्म ‘प्रसाद’ टिमसँग दोस्रो पटक सहकार्य गरेका छन् । निर्देशक दिनेश राउत र निर्माता सुवास थापाले निर्माण गर्ने फिल्म ‘सेल्फी किङ’ मा उनी अनुबन्ध भएका छन् । फिल्मको निर्देशन भने बिशाल सापकोटाले गर्नेछन् । उनी फिल्म ‘कारखाना’ का निर्देशक अमरदीप सापकोटाका सहोदर भाई हुन् ।

व्यावसायिक र समीक्षात्मक रुपमा सफल फिल्म हो ‘जात्रा’ । यसले जबरजस्ती लादिएका कमेडी र गीत बिना पनि फिल्म चल्छ भन्ने उदाहरण पेश गरेको थियो । यो फिल्मको सिक्वेल ‘जात्रै जात्रा’ यस वर्षको जेठमा प्रदर्शनमा आयो । नेपालमा निर्माण भएका हिट फिल्मका सिक्वेलले खासै साख जोगाएका छैनन् । ‘जात्रा’ कोे सिक्वेल भने अपवाद बन्यो । फिल्मले बोरामा राम्रो पैसा मात्र बटुलेन, दर्शक र समीक्षकको पनि मन जित्यो । 

तेलुगु फिल्म 'डियर कामरेड' ले अहिले बक्सअफिसमा निकै राम्रो व्यापार गरिरहेको छ । एक हप्ता अगाडि प्रदर्शनमा आएको फिल्मले बक्सअफिसमा राम्रो सुरुवात गरेको छ । फिल्मले ओपनिङ वीकेन्डमा वर्ल्डवाइड ३३ करोडको कलेक्सन गर्न सफल भएको छ । फिल्ममा साउथ स्टार विजय देवराकोन्डाको अपोजिटमा रश्मिका मन्डाना छिन् ।