Nepal's No.1 Filmy Web Magazine
अशोक शर्मा निर्देशित फिल्म ‘रातो टीका निधारमा’ को प्रदर्शन मिति घोषणा गरिएको छ । बुधबार सार्वजनिक गरिएको ‘मेरो माया के हो ?’ बोलको गीतमा प्रदर्शन मिति नराखे पनि बिहीबार साँझ फेसबुकमा एक स्टाटस लेख्दै निर्देशक शर्माले फिल्म असोज १० गतेबाट प्रदर्शनमा आउन जानकारी दिएका छन् । अहिलेसम्म यो डेटमा अरु फिल्मले प्रदर्शन मिति तोकेका छैनन् ।
बोल्ड अभिनेत्रीको छवि बनाएकी साम्राज्ञी आरएल शाह वर्षमा दुईभन्दा बढी फिल्म गर्दिनन् । गएको वर्ष उनको दुई फिल्म ‘इन्टु मिन्टु लण्डनमा’ र ‘कायरा’ रिलिज भएका थिए । यस वर्ष पनि उनका दुई फिल्म ‘मारुनी’ (भाद्र १३) र दशैंमा ‘रातो टिका निधारमा’ रिलिज हुँदैछ । एक महिनाको अन्तरमा दुई फिल्म रिलिज हुन लागेका कारण गत वर्षझैं यसपटक पनि उनलाई समय मिलाउन चटारो पर्ने देखिन्छ ।
असार र साउन पानी पर्ने महिना हो । यो महिनामा कृषकहरुले वर्षभरिको लागि पुग्ने अन्न उब्जाउन दुःख गर्ने गर्दछन् । तर, फिल्म छायांकनका लागि यो महिना उपयुक्त मानिँदैन । पानीले छायांकन हुन दिँदैन, जसले गर्दा निर्माण लागत निकै बढ्छ । यसकारण सकभर निर्माता तथा निर्देशक असार र साउनमा फिल्मको छायांकन गर्दैनन् । तर, ‘पशुपति प्रसाद’ फेम्ड निर्देशक दीपेन्द्र के. खनाललाई भने दर्के झरी नपरेर समस्या भएको छ ।
अहिलेका जल्दाबल्दा अभिनेता अनमोल केसीले डेब्यू गरेको फिल्म हो ‘होस्टेल’ । यो फिल्मबाट अभिनेता द्वय सलोन बस्नेत र गौरव पहारीले पनि एकसाथ डेब्यू गरेका थिए । सुनिल रावल निर्मित तथा हेमराज वसी निर्देशित यस फिल्मले बक्सअफिसमा राम्रो व्यापार गरेको थियो । साथै, अनमोल रातारात ‘स्टार’ भएका थए । यो फिल्मपछि उनले करिअर फर्किएर हेर्नु परेको छैन । अहिलेका ठूला स्टारडम भएका अभिनेता हुन्, उनी ।
नेपाली फिल्ममा स्टार किड्सको प्रवेश दिन-प्रतिदिन बढ्दो छ । गएको वर्ष फिल्म ‘ए मेरो हजुर ३’ बाट अभिनेत्री तथा निर्देशक झरना थापाकी छोरी सुहाना र ‘जानी नजानी’ बाट पुराना कलाकार विश्व बस्नेतकी छोरी निरीशाले डेब्यू गरे । यस वर्ष पुराना निर्देशक, निर्माता तथा कलाकार अशोक शर्माका छोरा अंकितले फिल्म ‘रातो टीका निधारमा’ बाट फिल्मी करिअर सुरु गर्दैछन् ।
गएको जेठदेखि कुनै नेपाली फिल्मले आशातित व्यापार गर्न नसकिरहेको अवस्थामा शुक्रबारबाट सिंगल थिएटर लक्षित तीन फिल्म प्रदर्शनमा आएका छन् । रमेश थापा निर्देशित फिल्म ‘साइनो’, राजेन्द्र त्रिपाठीको ‘रे’ र शंकर अधिकारीको निर्देशन रहेको फिल्म ‘काँचुली’ ले हलमा व्यापारिक प्रतिस्पर्धा थालेका हुन् ।
