Nepal's No.1 Filmy Web Magazine

शुक्रबारबाट प्रदर्शनमा आउने तय भएको अभिनेता निश्चल बस्नेत र अभिनेत्री स्वस्तिमा खड्का अभिनीत फिल्म ‘घामड शेरे’ हुत्तिएर कात्तिक २२ मा पुगेपछि अभिनेत्री सुमी मोक्तान स्टारर फिल्म ‘सरौतो’ एक साता पछाडि धकेलिएको छ । एकै मितिमा धेरै फिल्म रिलिज हुने भएपछि यो फिल्मले कात्तिक २९ गतेलाई नयाँ प्रदर्शन मिति घोषणा गरेको छ । तर, यो मितिमा पनि फिल्मले सोलो रिलिज भने पाउने छैन । 

अभिनेता द्वय सुशील श्रेष्ठ र आमिर गौतमको प्रमुख भूमिका रहेको फिल्म 'बादशाह जुट' कात्तिक १५ गतेबाट देशव्यापी प्रदर्शनमा आउँदैछ । आफूलाई बादशाह सम्झने दुई युवकको कथामा फिल्म आधारित छ । फिल्ममा सुशीलले पत्रकार र आमिरले हवल्दारको भूमिका निभाएका छन् । जोनी सिंह राणाले फिल्मको निर्देशन गरेका हुन् । 

अभिनेता भुवन केसी अभिनीत फिल्म ‘मिस्टर नेपाली’ को ट्रेलर सार्वजनिक भएको छ । कात्तिक २९ गतेबाट देशव्यापी प्रदर्शनमा आउन लागेको फिल्मको ट्रेलरमा भुवनलाई दोहोरो भूमिकामा देख्न सकिन्छ । उनले निभाएको एउटा चरित्र नेगेटिभ देखिएको छ । देव भुषालले फिल्मको निर्देशन गरेका हुन् । कथा, पटकथा र संवाद पनि उनकै हो ।