Nepal's No.1 Filmy Web Magazine
गएको असोज अन्तिममा प्रदर्शनमा आएको फिल्म ‘छ माया छपक्कै’ पछि कुनै फिल्मले हलमा दर्शक तान्न सकेका छैनन् । आशा गरिएका फिल्मले समेत बक्सअफिसमा घुँडा टेकेका छन् । यो अवस्थामा भोली शुक्रबारबाट एक समयका ‘नम्बर वान’ अभिनेता आर्यन सिग्देल र अभिनेत्री मिरुना मगरले रोमान्स गरेको फिल्म ‘च च हुई’ प्रदर्शनमा आउँदैछ । फिल्मका निर्देशक साम्तेन भुटिया हुन् ।
अभिनेता कोशिश क्षेत्री स्टारर फिल्म ‘माया पिरिम’ यही मंसिर २० गतेबाट देशव्यापी प्रदर्शनमा आउँदैछ । प्रेमकथामा आधारित भएर निर्माण भएको टेक पौरखी राई निर्देशित फिल्मको एक हप्ता अगाडि ‘फोटो खिचेर’ बोलको गीत सार्वजनिक भएको थियो । यो गीत अहिले चर्चामा छ । लेखु सहयात्री र विन्दु परियारको स्वरमा रहेको गीतलाई दर्शकले निकै रुचाएका छन् ।
राजकुमार हिरानीलाई बक्सअफिसको ‘बादशाह’ भन्ने गरिन्छ । उनका हरेक फिल्मले बक्सअफिसमा सफलताको झण्डा गाडेका छन् भने कयौं रेकर्ड तोडेका छन् । उनी निर्देशित पछिल्लो रिलिज फिल्म ‘सञ्जु’ हो । केही दिनयता शाहरुख र हिरानीबीच नयाँ फिल्ममा सहकार्यको प्रयास भैरहेको चर्चा छ । तर, यस विषयमा शाहरुख र हिरानीले कुनै जानकारी दिएका छैनन् ।
