Nepal's No.1 Filmy Web Magazine
साउथ सुपरस्टार थालापति विजय गएको केही समयदेखि विभिन्न कारणले चर्चामा रहेका छन् । फेब्रअरीमा इनकम ट्याक्स डिपार्टमेन्टले उनको घरमा छापा मारेको थियो । दोस्रो पटक पनि इनकम ट्याक्सका व्यक्तिले उनको घरमा छापा मारेका थिए । ‘बिगिल’ का लागि ठूलो रकम लिएर ट्याक्स नतिरेको शंकामा इनकम ट्याक्स डिपार्टमेन्टले उनको घरमा छापा मारेको थियो ।
अभिनेत्री आँचल शर्मा र पोषण विद् उदिप श्रेष्ठले फागुन २९ गते लगनगाँठो कसे । फेसबुकबाट अंकुराएको डेढ वर्ष लामो प्रेम सम्बन्धलाई विवाहमा परिणत गरेका उनीहरुले शनिवार राजधानीमा रहेको पाँचतारे होटल हायतमा रिसेप्सन पार्टीको आयोजना गरेका थिए । रेखा थापादेखि पुष्प खड्कासम्म आँचल र उदिपलाई बैबाहिक जीवनको शुभकामना दिन गिफ्ट बोकेर पुगेका थिए ।
फागुन ९ गतेबाट प्रदर्शनमा आएको दीपेन्द्र के. खनाल निर्देशित फिल्म ‘आमा’ शुक्रवारबाट चौथो हप्तामा प्रवेश गरेको छ । योसँगै प्रदर्शनमा आएको फिल्म ‘सेन्टी भाइरस’ हलबाट उत्रिसकेको अवस्थामा ‘आमा’ ले भने चौथो हप्तामा पनि पर्याप्त हल पाएको छ । त्यस्तै, मल्टीप्लेक्सहरुमा पनि फिल्मले राम्रो सोज प्राप्त गरेको छ । तर, केही दिनयता भने हलमा फिल्म हेर्ने दर्शक न्यून छन् ।
होमी अदजानिया निर्देशित फिल्म ‘अंग्रेजी मिडियम’ शुक्रवारबाट प्रदर्शनमा आइसकेको छ । अभिनेता इरफान खानको अभिनय रहेका कारण फिल्मको जबरजस्त बज बनेको थियो/छ । तर, फिल्मको बक्सअफिस आँकडाले अरु नै कहानी बयान गरिरहेको छ । फिल्मले पहिलो दिन कमजोर सुरुवात गरेको छ । फिल्मले शुक्रवार ३ करोड ५० लाख मात्र कमाउन सफल भएको छ ।
कोरोना भाइरसको प्रकोपलाई मध्यनजर गर्दै नेपाल सरकारले बिहीवार साँझ १९ वटा निर्णय गरेको छ । जसमध्ये १९औं नम्बरको निर्णयले नेपाली फिल्म क्षेत्रमा संकट उत्पन्न हुने खतरा सृजना भएको छ । सरकारले ठूलो संख्यामा मानिसहरुको भेला हुने सिनेमा हलमा नजान आव्हान गरेको छ । सिनेमा हलमा कोरोनाको जोखिम उच्च हुने भएकाले सरकारले यो आव्हान गरेको हो ।
