Nepal's No.1 Filmy Web Magazine
फिल्म ‘अन्तराल’ बाट अभिनयमा डेब्यू गरेकी अभिनेत्री नम्रता श्रेष्ठ अहिले गुमनामझैँ छिन् । उनलाई पर्दामा नदेखिएकै एक वर्षभन्दा बढी भैसकेको छ । उनी पछिल्लो पटक फिल्म ‘समर लभ’ मा देखिएकी थिइन् । यो फिल्मपछि उनले नयाँ फिल्ममा काम गरेकी छैनन् । कतिपय उनलाई फिल्मबाट अफर नै हुन छाडेको बताउँछन् । आजभोली उनी भिडियोमा बढी व्यस्त छिन् ।
पछिल्लो समय कलाकारिताभन्दा सामाजिक काममा सक्रिय हाँस्यकलाकार जोडी सिताराम कट्टेल ‘धुर्मुस’ र कुञ्जना घिमिरे ‘सुन्तली’ ले निर्माण गरेको फिल्म ‘सेन्टी भाइरस’ आउँदो फागुन ९ गतेबाट प्रदर्शनमा आउँदैछ । भरतपुरमा ‘अन्तर्राष्ट्रिय गौतम बुद्ध क्रिकेट रंगशाला’ निर्माण गर्न दिन-रात खटिरहेका उनीहरु रंगशाला निर्माणको सहयोगार्थ फिल्म निर्माण गरेको बताउँछन् ।
बलात्कारपछि हत्या गरिएकी कन्चनपुरकी १३ वर्षीय निर्मला पन्तको वास्तविक कथामा आधारित भएर निर्माण भएको फिल्म ‘कोपिला’ को ट्रेलर सार्वजनिक भएको छ । ३ मिनेट ४९ सेकेण्ड लामो ट्रेलर इमोसनल छ । फिल्ममार्फत् निर्मला पन्तको हत्यारा पत्ता नलाग्दा देखिएको राजनैतिक चलखेल र निर्मलाको परिवारमा परेको मनोवैज्ञानिक स्थितिलाई देखाउन खोजिएको छ ।
फिल्म ‘ए मेरो हजुर २’ बाट सुखद डेब्यू गरेका अभिनेता सलिनमान बनियाँ प्रेम सम्बन्धमा रहेको कुरा अब नौलो रहेन । डेब्यू फिल्म रिलिज भए लगत्तै उनले सामाजिक सञ्जाल इन्स्टाग्राममार्फत् प्रेमिका सार्वजनिक गरेका थिए । उनकी प्रेमिकाको नाम अस्प्रिना श्रेष्ठ हो । उनी प्रोफेसनल मेकअप आर्टिस्ट हुन् । फिल्ममा डेब्यू गर्नुभन्दा अगाडिदेखि नै सलिन अस्प्रिनाको प्रेममा थिए ।
नेपालमा वर्षौदेखि विदेशी फिल्मको दबदबा कायम छ । नेपाली फिल्मले पोस्टरको पनि पैसा उठाउन नसक्दा बलिउड र हलिउड फिल्मले भने यही करोडौं छापिरहेका हुन्छन् । यसले के प्रस्ट्याउँछ भने नेपाली दर्शकको पहिलो रोजाइ घरेलु फिल्म नभइ विदेशी फिल्म बनिरहेको छ । नेपाली फिल्म स्तरिय बन्न नसक्नुले नै विदेशी फिल्मप्रति दर्शकको झुकाव बढेको कतिपयको ठम्याइ छ ।
बलिउड अभिनेत्री रानी मुखर्जी र अभिनेता सैफ अली खानले एकपटक फेरि सिल्भर स्क्रिनमा धूम मच्चाउने भएका छन् । चाँडै उनीहरु फिल्म ‘बन्टी और बब्ली २’ मा देखिँदैछन् । यो फिल्मको यश राज फिल्म्सले बिहीबार औपचारिक घोषणा गरेको छ । यो फिल्मबाट सैफ र रानी ११ वर्षपछि पर्दामा फर्किँदैछन् । सैफभन्दा पहिला यो फिल्म अभिषेक बच्चनलाई अप्रोच गरिएको थियो ।
