Nepal's No.1 Filmy Web Magazine

नयाँ वर्षको छेको पारेर चैत २७ गतेबाट प्रदर्शनमा आउन लागेको फिल्म ‘राम नाम सत्य’को ट्रेलर सार्वजनिक गरिएको छ । बिहीबार काठमाडौंमा एक कार्यक्रमका बीच निर्माण पक्षले एक्सनप्रधान ट्रेलर सार्वजनिक गरेको हो । ३ मिनेटभन्दा लामो ट्रेलरमा अन्यायविरुद्ध लड्ने पात्रको कथा देखाइएको छ । प्रेम, बदला र भावनात्मक उतारचढावलाई पनि ट्रेलरमा समेटिएको छ ।

कीर्तिमानी फिल्म ‘पूर्णबहादुरको सारङ्गी’का निर्माता विनोद पौडेलले निर्माण गरेको नयाँ फिल्म ‘रोल नं १’को पहिलो झलक (फर्स्टलुक पोस्टर) सार्वजनिक गरिएको छ । गणतन्त्र दिवसको अवसर पारेर जेठ १५ गतेबाट प्रदर्शन हुने यस फिल्मको बिहीबार सार्वजनिक दुईवटा पोस्टरले कथावस्तु, परिवेश र पात्रहरूको चरित्र चित्रणबारे महत्त्वपूर्ण प्रकाश पारेको छ । 

नेपालमा विदेशी फिल्मको प्रभाव ठूलो छ । अझ व्यापक प्रभाव बलिउड फिल्मको छ । त्यहाँका कलाकारहरूको हाउभाउदेखि लुक्ससम्म नेपाली फिल्ममा नै नक्कल गर्ने गरिन्छ । यसको ताजा उदाहरण हो, फिल्म ‘मालती मंगले’ । यो फिल्मको बुधबार युट्युबमार्फत् सार्वजनिक ‘ढुङ्गामाथि लेऊ’ गीतमा कलाकार विजय बराललाई शाहरुख खानको शैलीमा प्रस्तुत गरिएको छ ।

अभिनेत्री दिव्या रायमाझीको यस वर्षका लागि पहिलो र अन्तिम फिल्मको रूपमा ‘राम नाम सत्य’ नयाँ वर्षको छेको पारेर चैत २७ गतेबाट प्रदर्शनमा आउँदैछ । अभिनयको हिसाबले यो उनको तेस्रो फिल्म हो । उनका अघिल्ला दुई फिल्म ‘एक्टर : टेक वान’ र  ‘पिताम्बर’ले अपेक्षित व्यापार गर्न नसकेका कारण उनलाई यो फिल्म व्यावसायिक रूपमा सफल हुनैपर्ने दबाब छ । 

पछिल्लो समय रंगमञ्च पृष्ठभूमिका कलाकारहरूको फिल्ममा आगमन उल्लेख्य रूपमा बढेको छ  । यसै क्रममा नयाँ फिल्म ‘लालीबजार’मार्फत अर्का रंगकर्मीको उदय भएको छ । उनी हुन्, विशाल देवकोटा । रंगमञ्चमा कलाकारसँगै निर्देशकको रूपमा चिनिएका उनको यो पहिलो फिल्म हो । यसमा उनले अभिनेत्री स्वस्तिमा खड्काको जोडी भएर काम गरेका छन् ।

आगामी जेठ १ गतेबाट प्रदर्शनमा आउन लागेको फिल्म ‘एक मुठ्ठी बादल’को पहिलो गीत ‘रेल घुम्यो घुम्तीमा’ सार्वजनिक गरिएको छ । मीना पोखरेल र इन्द्रकला राईको स्वर रहेको गीतमा संगीत सुमित पाठकको छ भने शब्द हर्क साउदले लेखेका हुन् । गीतले एउटै घरमा बस्ने तीन पुस्ताका महिलाको बेदना, भोगाइ र अनुभूतिलाई प्रस्तुत गरेको छ ।