Nepal's No.1 Filmy Web Magazine

संविधान दिवसको अवसर पारेर असोज २ गतेबाट प्रदर्शनमा आउन लागेको फिल्म ‘झिँगेदाउ २’को पहिलो गीत ‘महिमा आमाको’ सार्वजनिक गरिएको छ । आमाको महिमा वर्णन गरिएको यस गीतमा प्रमोद खरेल र मनीषा सुनारको स्वर, डा. कृष्णहरि बरालको शब्द तथा अर्जुन पोखरेलको संगीत रहेको छ । गीतमा मर्मस्पर्शी भावका शब्दहरू छन् । 

‘द ब्लू लाइट’का निर्देशक बलिराम चौहानको निर्देशनमा बन्न लागेको नयाँ फिल्म ‘ल्याङ्ग ल्याङ्ग’मा मुख्य अभिनेताको टुंगो लागेको छ । निर्माता कम्पनी स्काइफल पिक्चर्सले गायन पृष्ठभूमिका रिहान गिरीलाई फिल्ममा अनुबन्धित गरेको जनाएको छ । यसै साता निर्देशक चौहान र गिरीबीच लिखित सम्झौता भएको हो । 

अभिनेता जितु नेपालको लगानीमा बनेको फिल्म ‘आइएम जितबहादुर’ बक्स अफिसमा कमजोर देखिएको छ । सोमबार चलचित्र विकास बोर्डले सार्वजनिक गरेको विवरणअनुसार १४ असार (आइतबार)सम्म फिल्मले ३१ लाख ७ हजार ६९२ रुपैयाँ ग्रस कमाएको छ । यस अवधिसम्म फिल्मका ९ हजार ६२६ वटा टिकट बिक्री भएका छन् । 

अभिनेता विजय बराल र अभिनेत्री पूजा शर्माको मुख्य भूमिका रहने फिल्म ‘रत्यौली’ फागुन २१ गतेबाट प्रदर्शनमा आउने भएको छ । सोमबार राष्ट्रिय धान दिवस तथा दही–चिउरा खाने दिनको अवसर पारेर निर्माताले फिल्मको प्रदर्शन मिति घोषणा गरेका हुन् । फिल्मलाई फागुन २२ गते परेको महाशिवरात्रिको अवसरमा प्रदर्शन गर्न लागिएको हो । 

‘खुस्मा’का निर्देशक अशोक थापा मगरको दोस्रो निर्देशकीय फिल्म ‘जलाकी’ छठ पर्व लगत्तै प्रदर्शनमा आउने भएको छ । सोमबार राष्ट्रिय धान दिवस तथा दही चिउरा खाने दिनको अवसरमा फिल्मका दुईवटा पोस्टर सार्वजनिक गर्दै मंसिर ४ गतेलाई प्रदर्शन मिति तय गरिएको हो । अहिलेसम्म अरु फिल्मले भने यो मिति रोजेका छैनन् । 

अभिनेत्री स्वस्तिमा खड्काका लागि यस वर्षको सुरुवात सानदार रह्यो । उनको मुख्य भूमिका रहेको फिल्म ‘लालीबजार’ले ठूलो व्यावसायिक सफलता हासिल गरेको छ । हिजो शनिबार प्रदर्शनको ५१ दिन मनाएको फिल्मले सो अवधिसम्म ९ करोड ३५ लाखमाथिको व्यापार गरिसकेको छ । यस वर्ष ५ करोडमाथिको व्यापार गर्ने यो पहिलो फिल्म हो ।